Outra fotografía:

Tipo de ben: Cruceiro,
Concello: Maceda
Parroquia: Tioira (Santa María)
Lugar: Tioira
Outra denominación do ben:
Cronoloxía: Idade Moderna (XVI-XVIII),
Descrición:

Cruceiro de tipo “De Crucifixo” con plataforma cuadrangular de catro chanzos; ó último con voo e coa seguinte inscrición: “ARQVITECTO ESTEBAN GÓMEZ / ANO 1769”. O pedestal cuadrangular rematado cun bocel e mediacana. Na parte do reverso, ten un oco para un peto coa portela xa desaparecida. Enriba deste, lábrase un purgatorio mediante dúas pequenas ánimas orantes. No resto das caras ten unha variada ornamentación de símbolos alusivos a Paixón inscritos en marcos vexetais, enriquecendo unha superficie do resto das caras. Tamén ten unha inscrición “DVC DE JV / AN BERMVDEZ I S / V MVGER ROSA / DE OTERO SE OBRE” (A devoción de Juan Bermúdez e a súa muller Rosa Otero se obre). O varal é cuadrangular no seu primeiro terzo pra ser octogonal no resto. Pola parte do anverso, na parte cuadrangular, arranca coa figura de Adán e Eva sobre pedestal. Máis arriba, en ambos lados, sitúanse as figuras de San Antón e San Roque sobre pedestais. O capitel de tipo corintio, coas follas de acanto, caras de anxo e ábaco de lados curvos e vértices achafranados. A súa cruz é circular, leñosa con nós. Polo anverso presenta a Cristo Crucificado con tres cravos, mans abertas e pé dereito sobre o esquerdo. Inclina a cabeza cara á dereita cunha coroa de espiñas e un pergamiño coas siglas INRI. O seu pano de pureza vai suxeito cunha corda. Debaixo dos pés de Cristo sitúase unha caveira. No reverso da cruz fica a coronación da Virxe do Socorro. Dous anxos sostendo unha coroa por enriba da cabeza da Virxe, sostendo esta ao Neno no brazo esquerdo e un pao na man dereita. O cruceiro é todo de granito cun estado de conservación bo a regular.


Fotogrametría:

Propiedade: Pública
Uso actual: Sen uso
Código no Catálogo da Xunta:
Categoría do Ben: Catalogado (Catálogo da Xunta e dos PXOM) Ben de Interese Cultural
Elementos mobles:
Tradición oral:
Historia recente do ben:
Referencias bibliográficas:

http://siotuga.xunta.gal/siotuga/documentos/urbanismo/MACEDA/documents/0449CA001.PDF (Páx. 4).
http://siotuga.xunta.gal/siotuga/documentos/urbanismo/MACEDA/documents/0449CA009.PDF (Páx. 9).


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 42.262231261359
Lonxitude: -7.61524066329
Empregamos o sistema de coordenadas WGS84