Outra fotografía:

Tipo de ben: Cruceiro,
Concello: Vilalba
Parroquia: Distriz (San Martiño)
Lugar: A Igrexa
Outra denominación do ben:
Cronoloxía: Século XIX,
Descrición:

Cruceiro no adro da igrexa parroquial de San Martiño de Distriz (http://patrimoniogalego.net/index.php/112992/2022/01/igrexa-parroquial-de-san-martino-de-distriz/) que nace sobre catro chanzos de sección cadrada.
A súa base, de forma tronco piramidal con molduras, posúe unha inscrición moi erosionada que fai referencia ás indulxencias e a o ano de 1889, posiblemente a data da súa factura.
O varal posúe os extremos de sección cadrada (o superior con relevos de rombos e roeis), e octogonal na parte central na que tamén podemos ver varios símbolos da Paixón de Cristo (escada, puñal, tenaces, martelo e tres puntas).
O capitel é de sección cadrada con volutas e querubíns nos catro lados. As volutas aparecen unidas con eslavóns. O capitel posúe un dos esquinais roto.
O conxunto remata cunha cruz de sección cadrada, arestas rebaixadas e remates dos brazos florenzados con botón central. Nela aparecen as imaxes de Cristo crucificado baixo cartela de INRI no anverso, e a Piedade sobre unha peaña no reverso.
Aínda é posible ver restos da súa policromía.

Os cruceiros e petos de ánimas de máis de 100 anos están protexidos polo Decreto 571/1963, de 14 de marzo, “sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico”; ademais, teñen a consideración de Bens de Interese Cultural (BIC) segundo o establecido na disposición adicional segunda da Lei 16/85 de 25 de xuño, do Patrimonio Histórico Español.
Asi mesmo o recoñece e garante a Lei 5/2016, do 4 de maio, do Patrimonio Cultural de Galicia, no que hórreos, cruceiros e petos de ánimas, “son bens de interese cultural e quedan sometidos ao réxime xurídico previsto para ese tipo de bens nesta lei, sen necesidade da tramitación previa do procedemento previsto no seu título I, os hórreos, os cruceiros e os petos de ánimas dos que existan evidencias que poidan confirmar a súa construción con anterioridade a 1901.
Os hórreos, cruceiros e petos de ánimas cuxa antigüidade non poida ser determinada ou que fosen construídos con posterioridade á data sinalada anteriormente poderán ser declarados de interese cultural ou catalogados cando se lles recoñeza un especial valor cultural, principalmente etnolóxico”.


Fotogrametría:

Propiedade: Pública
Uso actual: Outros
Código no Catálogo da Xunta:
Categoría do Ben: Inventariado (Inventario de Bens Patrimoniais da Xunta Ben de Interese Cultural
Elementos mobles:
Tradición oral:
Historia recente do ben:
Referencias bibliográficas:

ENLACE WEB
https://cruceirosdegalicia.xyz/270650801.html

BIBLIOGRAFÍA
ARRIBAS ARIAS, Fernando, BLANCO PRADO, José Manuel e SAAVEDRA PÉREZ, Mario (2011). Cruceiros do Concello de Vilalba. Ed: Instituto de Estudios Chairegos.

ENLACES DE TIPO LEGAL
http://www.boe.es/diario_boe/txt.php?id=BOE-A-1963-6523
https://www.boe.es/buscar/act.php?id=BOE-A-1985-12534
https://www.xunta.gal/dog/Publicados/2016/20160516/AnuncioC3B0-110516-0001_gl.html


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.301571310117
Lonxitude: -7.7390606128184
Empregamos o sistema de coordenadas WGS84