Castro e sauna de Castañoso

Outra fotografía:

Tipo de ben: Castro / Outros xacementos da Idade do Ferro, Paisaxe natural,
Concello: A Fonsagrada
Parroquia: Maderne
Lugar: Castañoso
Outra denominación do ben: Castelón de Castañoso
Cronoloxía: Idade do Ferro,
Descrición:

Poboado fortificado ubicado na dorsal dun monte entre ríos. A estrutura defensiva dispón de tres foxos cun posible bastión intermedio e unha posible muralla perimetral que non é doadamente advertible hoxendía. O excelente estado de conservación do castro e o uso das antigas vivendas castrexas como estruturas agrarias para a maduración das castañas (“curripas” en A Fonsagrada) permitiu a preservación dalgúns elementos singulares do castro, como vivendas e, o máis relevante, unha sauna castrexa. A sauna conserva en pé parte da estrutura do forno e da falsa bóveda da sala, pero a súa situación é complexa. A estrutura atópase sostida por unha endeble muro dunha curripa creada sobre o propio edificio.

Fotogrametría:

Propiedade: Descoñecida
Uso actual: Sen uso
Código no Catálogo da Xunta:
Categoría do Ben: Inventariado (Inventario de Bens Patrimoniais da Xunta
Elementos mobles:
Tradición oral:

O estreito acceso a través dunha dorsal ata o propio castro coñécese como “A Rúa dos Mouros”

Historia recente do ben:
Referencias bibliográficas:

LÓPEZ, Enrique; ARGUL, José: Fonsagrada y su concejo. Everest.

Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

A caída do muro que sustenta a falsa bóveda da sauna pode acontecer en calquera momento, debido á febleza da estrutura sustentora. Perderíase un valioso monumento que chegou parcialmente en pé desde a Idade do Ferro / Época romana.

O 12 de decembro de 2011 Mariña Patrimonio e Lugo Patrimonio fixeron unha denuncia pública da grave situación na que se atopa a sauna. Pódese ler o comunicado aquí: http://mrpatrimonio.blogspot.com/2011/12/excepcional-sauna-castrexa-piques-do.html

En setembro de 2015 a sauna foi escavada, mercé a unha iniciativa do Museo da Fonsagrada, a través dun convenio entre o concello da Fonsagrada e a Xunta de Galicia. A súa estrutura foi desvelada, así como a de outras dúas casas. Pódese ver un vídeo explicativo aquí:

http://www.manuelgago.org/blog/index.php/2015/09/13/unha-viaxe-ao-corazon-dos-castros-a-sauna-de-castanoso/