Outra fotografía:
Tipo de ben: Cruceiro,
Concello: Palas de Rei
Parroquia: San Breixo (Santa María)
Lugar: San Breixo
Outra denominación do ben:
Cronoloxía: Descoñecida,
Descrición:
O Cruceiro de San Breixo responde á tipoloxía de crucifixo. Posúe plataforma cuadrangular de tres chanzos e un pedestal moi moldurado cunha grande escocia. O varal é octogonal, empezando e rematando en cadrado. O capitel, tamén cuadrangular con escocia. A súa cruz, de brazos cuadrangulares, mostra no anverso a imaxe de Cristo Crucificado con tres cravos, mans abertas e pano de pureza anoado á dereita. A cabeza ladéaa lixeiramente cara á dereita, cun pergameo enriba coas siglas INRI. O cruceiro é todo de granito cun estado de conservación regular.
Fotogrametría:
Propiedade: Pública
Uso actual: Sen uso
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Regular
Atópase en perigo nestes momentos?:
Onde está localizado
Latitude: 42.86767264909221Lonxitude: -7.927545011043549
Empregamos o sistema de coordenadas WGS84
Se estiveches nel, valora o estado deste Ben Cultural (é importante):
(Aínda sen valorar)
Loading...
1 comentario
Alberto García Roldán says:
Xan 16, 2022
Información na publicación de José Manuel Blanco Prado titulada: “O complexo artístico-relixioso de San Breixo.”
Esta manifestación artística está situada na aldea de San Breixo, nun cruzamento de viarios, e preto do Oratorio da Santa Cruz. As súas coordenadas son: 425204N, 75534O4.
Con respecto aos seus elementos cómpre dicir que sobre unha ampla peza granítica cuadrangular se levanta unha plataforma composta por un chanzo granítico no que se asenta unha base ou pedestal, composta polos seguintes elementos nunha orde ascendente: unha peza paralelepípeda, e por unha moldura cóncava e outra convexa.
O fuste é monolítico e mostra unha sección cuadrangular nos extremos —máis no
inferior que no superior— e coas arestas biseladas no resto, o que lle dá unha forma octogonal. O capitel presenta tres tramos esenciais: nunha orde ascendente un filete, que separa o fuste do inicio do capitel; logo unha molduración cóncavo-convexa; e,
como remate, unha pequena estrutura cuadrangular, que aglutina aos demais tramos.
Finalmente, o cruceiro remata nunha cruz latina5 que presenta en ambos os dous eixes unha sección cilíndrica rugosa. No seu anverso, baixo unha cartela na que pode lerse INRI, móstrase unha efixie de Cristo coa coroa de espiñas na cabeza, que inclina ao lado dereito; os seus brazos están estendidos coas mans abertas ao longo da cruz máis separados dela ao igual que a cabeza, as costas e as pernas; o perizoma anóase á dereita e as pernas, lixeiramente flexionadas, amosan o pé dereito sobre o esquerdo e ambos os dous sobre un supedáneo.
Nos días de festividade no santuario6 a procesión circunvala o cruceiro e logo volta ao seu lugar de orixe. A procesión ten como finalidade sacar ao exterior non só a imaxe, que atrae as ofrendas ao santuario, senón tamén outras, que se atopan no recinto sagrado. Todas santifican o espazo que percorren, proporcionando unha enerxía beneficiosa a todos os elementos —persoas, animais…— que se atopan no percorrido7.
4 Pereiro Pérez, Xerardo: «Os Cruceiros do Municipio de Palas de Rei», en Boletín do Museo Provincial de Lugo, n.o 7. Deputación Provincial, 1995-96, páx. 239.
5 Pereiro Pérez, Xerardo: Obr. Cit., páx. 239. «O cruceiro foi derrubado por un coche a fins dos anos 80 deste século (s. xx), polo que a cruz tivo que
ser feita de novo e púxoselle unhas cadeas de protección».
6 No mes de setembro é cando se celebran dun xeito preferente as festividades asociadas ao santuario de San Breixo (Palas de Rei). Informe de: Blanco Prado, J. M.
7 Blanco Prado, J. M.: Exvotos e Rituais nos Santuarios Lucenses, Lugo: Deputación Provincial, 1996, páx. 21.