Outra fotografía:

Tipo de ben: Castelo,
Concello: Ferrol / Ferrol (comarca)
Parroquia: Brión
Lugar: San Filipe
Outra denominación do ben:
Cronoloxía: Idade Moderna (XVI-XVIII),
Descrición:

Aproveitando a orografía do lugar onde se asenta, o castelo de San Filipe érguese como un triángulo defensivo na boca da ría ferrolá, apuntando o vértice cara o mar. Triángulo tamén o que está formado polos castelos da Palma, de San Martiño e o propio de San Filipe, que protexían a ría e o corazón do Naval. A entrada quedaba ademais obstruída cunha cadea submarina que se tendía dende San Filipe á Palma no caso de ataque.

A orixe deste castelo remóntase ó 1589 cando Filipe II manda construír un castelo na ría de Ferrol (de aí o santo). A colonización de América e a expansión dos imperios europeos fan que a ría de Ferrol sexa un baluarte de resgardo e aprovisionamento de boa parte das flotas amarradas españolas e obrigaron a deseñar un lugar defendible tanto polo mar como pola terra. Deste xeito, o rei Filipe envía a varios enxeñeiros que seguindo o modelo do enxeñeiro Cristóbal Rojas, deseñan a fortaleza de Ferrol.
Con todo, é entre os anos 1731 e 1755 cando queda configurado o castelo tal e como o vemos agora. O enxeñeiro Francisco Montaigú é o encargado desta vez de deseñar as reformas, entre elas o foxo e o proxecto da porta principal.

No promontorio sitúase a base defensiva; que en realidade son catro: a do castelo antigo con dous baluartes cara o monte e traza estrelada onda o mar, unha segunda batería que barre de sur a oeste e outras dúas: alta e baixa cara o interior da ría.
A defensa cara a terra apoiase nunha construcción de dous longos muros unidos por unha fronte con aguzados semibaluartes nas esquinas dos flancos. O edificio nunca chegou a ter todos os baluartes que se proxectaran, pechouse polo lado norte cun muro liso e curvo onde se asentou o cuartel, nun comezo de modo provisional e logo definitivamente.

A fortaleza queda completa cun complexo sistema de adarves, troneiras e trincheiras, escarpas e contraescarpas, parapetos altos e baixos, espaldóns e garitas. Estar rodeado dun foxo e fronte a unha esplanada inclinada, obrigaba ó atacante a moverse no terreo batido polo fogo cruzado de cañóns e fusís.


Fotogrametría:

Propiedade: Pública
Uso actual: Equipamento
Código no Catálogo da Xunta:
Categoría do Ben: Ben de Interese Cultural
Elementos mobles:
Tradición oral:
Historia recente do ben:
Referencias bibliográficas:

Paz Varela (1999), Castelos e fortalezas de Galicia. Ed. Nigra Trea

La Voz de Galicia (2005), Castillos y fortalezas. Ea Editorial.


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.4646550070159
Lonxitude: -8.28170657157898
Empregamos o sistema de coordenadas WGS84