Camiño de Mórdomo a Camelle pola costa

Este camiño vai a rentes dos pes do Espacio Protexido dos Penedos de Traba e Pasarela. E forma parte dun dos espacios naturais menos tocados do litoral de Galicia: o que vai dende Laxe ó Cabo Vilán.
Estivo durante anos en forte perigo de desaparición polo proxecto de instalación dunha piscifactoría no lado máis cercano a Camelle. Actualmente semella totalmente cancelado dito proxecto.
Interesantísima a parcelación deste entorno para o seu aproveitamento agrícola, polo aporte de solos e sustratos que se fixo sobre as rochas. A maioría das parcelas, que subían polas abas dos montes, están hoxe abandoadas. E varios dos camiños de acceso a elas, xa non se usan e están comestos pola maleza e incluso arbores xa crecidas, o que impide o seu paso. Só están practicables as corredoiras de máis uso, por utilizárense como paseo polas mesmas xentes dos núcleos habitados próximos, por turistas e pescadores.
Evidencias do uso de carros nas numerosas rodeiras, e tramos empedrados, o que denota a súa antiga importancia.
Grao de conservación mediano, a falta dunha simple limpeza en área. As estructuras murais todavía están en pe.
Un estudo máis polo miudo desta área seguramente depararía moitas sorpresas arqueolóxicas e antropoloxicas.