Outra fotografía:
Tipo de ben: Castro / Outros xacementos da Idade do Ferro,
Concello: Cerdedo
Parroquia: Santa María de Tomonde
Lugar: Vilalén
Outra denominación do ben:
Cronoloxía: Idade do Ferro,
Descrición:
Castro construído aproveitando un outeiro natural que domina a chaira do redor, e próximo ao regueiro do Batán.
O castro está moi transformado pola aparición dun núcleo de poboación pola súa beira oeste e sur aínda que as vivendas se estenden tamén polo este e invadiron o castro na súa metade sur. O castro ten forma ovoidal seguindo o seu eixo maior a dirección norte-sur e sendo a súa parte máis estreita mirando ao norte. Pola súa beira noreste ten unha pendente moi pronunciada, sendo a inclinación máis suave cara ao sur onde remata nun muro de contención de recheo e posiblemente de datación máis serodia. Parece ter unha terraza ao norte da croa que estaría situada no medio e outra pola súa metade sur.
Os posibles penedos que ocuparon a croa foron achandados e aínda se pode apreciar o afloramento de pedra granítica. Hoxe en día podemos atopar nela dous fermosos hórreos en pedra e a ermida de San Cipriano e San Cornelio datadas en torno aos séculos XVI ou XVII. Tamén podemos atopar un cruceiro de pouca altura, posiblemente da mesma data que a ermida. A terraza do norte está ocupada por unha carballeira destinada a campo de festas.
Fotogrametría:
Propiedade: Privada
Uso actual: AgrícolaOutros
Código no Catálogo da Xunta:
Categoría do Ben: Dato descoñecido
Elementos mobles:
Tradición oral:
Historia recente do ben:
Referencias bibliográficas:
Afeccións
Ten camiño de acceso?: SiEstá cuberto de maleza: Non
Está afectado por algunha obra: Si
Estado de conservación: Malo
Atópase en perigo nestes momentos?:
Onde está localizado
Latitude: 42.57212440121382Lonxitude: -8.402599722157902
Empregamos o sistema de coordenadas WGS84
Se estiveches nel, valora o estado deste Ben Cultural (é importante):
(5 votos)
Loading...
1 comentario
Aurelio says:
Xan 26, 2021
Castro de San Cibrán, trátase dun castro sen escavar, pequeneiro, que conserva unha morfoloxía case perfecta por estar emplazado nun outeiro de forma cónica con pronunciadas pendentes, moi doado de defeder e fortificar. Conserva case intacta toda a súa estructura defensiva consistente nun sistema de terrazas con muros de contención de altura considerable, así como dúas entradas, esas si, bastante modificadas para pemitir o paso dos vehículos modernos. Chámaselle así por estar cristianizado cunha capeliña adicada aos santos Cibrán e Cornelio, capeliña ben conservada e situada na súa coroa. A simple vista non se observan restos constructivos pertencentes ás edificacións castrexas, porque, posiblemente, os seus materiais foron empregados na construción das novas vivendas do lugar. Dispón dunha fontiña no seo lateral, posiblemte para surtir no seu tempo de auga aos castrexos, así coma un acceso ben protexido e camuflado para acceder á auga do regueiro que pasa ao seu carón.