A Moura I

Segundo nos comenta o catalogador gavilanes 67:
Ata o de eiquí todo normal, o estraño aparece cando se mira a zona nun visor en internet tipo Sixpac, que foi o que nos pasou a Amaro González de Pardeconde e a min, cando intentabamos situar unhos marcos de termo estudados por Antón Rodicio no seu blog (riberasagrada.blogspot.com.es), que os sitúa pola zona.
O sorprendente do achádeo, son os círculos concéntricos semellando curvas de nivel, que se observan arredor do dolmen anteriormente descrito,
e que serve de centro a estes círculos, que son sucos con unha profundidade media de 65cm, por 160cm de ancho e están separados 350cm uns de outros.
Entre estas gabias, tamén aparecen varias pedras fincadas no chan, con un tamaño non moi grandes.
Nunha visita recente dos membros da SAGA (Sociedade antropolóxica galega), moi interesados no caso, atoparon anacos de cerámica, anaco de ferro e unha pedra do raio, no interior do dolmen e arredores.
Quedaron sorprendidos polos círculos, pero a dificultade está o intentar datalos, nin os espertos na materia o teñen moi claro, existindo varias hipóteses sobre a época en que foron feitos.
Algún di que poden ser modernos, algún tipo de suco para explotación agraria, outros que pode ser unha mina de ouro da época romana, outra pode ser que sexan da mesma época que os enterramentos do dolmen e que podía ser un xeoglifo para remarcar dito enterramento.
Este debate teno aberto a SAGA no seu blog(sociedadeantropoloxicagalega.wordpress.com).
Sexa cal sexa a axeitada, esta clara que de momento e interesante, e sobre todo a coincidencia no centro dos círculos con enterramentos, algo que tamén pasa na Moura 2 e que supoño non e casualidade.
(Foto1 – Sixpac)