Outra fotografía:

Tipo de ben: Castelo, Castro / Outros xacementos da Idade do Ferro,
Concello: Val do Dubra
Parroquia: Portomeiro (San Cosme)
Lugar: Portomeiro
Outra denominación do ben: Castro de Portomeiro
Cronoloxía: Idade do Ferro, Época Altomedieval,
Descrición:

O cume do Monte Castelo de 394 m. de altura serve de asentamento a este recinto arqueolóxico. O terreo amosa acusados desniveis en todas as direccións, pola que a visión da súa contorna é moi doada. O seu acceso é difícil o que condiciona unha boas características defensivas. Posee un único recinto de forma ovalada que está perfectamente adaptado ás posibilidades que lle ofrece a parte máis alta do monte. O lugar deféndese por un sólido sistema composto por un parapeto reforzado en todo a súa contorna e por unhas sólidas afloracións graníticas que serven de atalaias defensivas e baluartes de difícil superación. Nas escavacións dos anos 2020 e 2021 afloraron á superficie, na parte interior das murallas perimetrais, muros de diferentes edificios que poderían datarse segundo os investigadores cara o século IX. Apareceron tamén indicios da existencia dun castro da idade do ferro que ocuparía ese mesmo lugar con anterioridade a estas edificacións.


Fotogrametría:

Propiedade: Descoñecida
Uso actual: Forestal
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:

A Asociación Cultural Larada de Val do Dubra mercou os terreos no que se atopa o recinto arqueolóxico no ano 2020. Despois desa data iniciáronse campañas de escavacións nas que se descubriron lenzos de murallas de edificacións dentro do recinto amurallado do cume do monte. Este proxecto de investigación é froito da colaboración entre a Universidade de Santiago de Compostela, a Deputación da Coruña e a asociación Larada dona do lugar arqueolóxico.


Referencias bibliográficas:

Agrafoxo, Xerardo. O hábitat castrexo no Val de Barcala, Amaía e o Val do Dubra, Ed. Sementeira,1992. ISBN 84-87848-02-8
(páxina 160)
http://www.planeamentourbanistico.xunta.es/mapes/VALDODUBRA/documents/0394CA002.pdf
(páxina 25 de 29)
http://www.manuelgago.org/blog/index.php/2010/03/27/republicas-de-homes-libres-santuarios-e-castelos-na-beira-do-tambre/


Afeccións

Ten camiño de acceso?: Si
Está cuberto de maleza: Si
Está afectado por algunha obra: Si
Estado de conservación: Regular
Atópase en perigo nestes momentos?:

Nas inmediacións hai unha enorme canteira.


Onde está localizado

Latitude: 42.977713821439
Lonxitude: -8.6122941970825
Empregamos o sistema de coordenadas WGS84