Outra fotografía:
Tipo de ben: Paisaxe natural,
Concello: Lalín
Parroquia: Catasós
Lugar: Quintela
Outra denominación do ben: Carballeira de Quiroga
Cronoloxía: Século XIX,
Descrición:
Os carballos máis esveltos de Galicia están na fraga de Catasós, tamén chamada Carballeira de Quiroga. Carballos e principalmente castiñeiros acadan os 30 metros de altura e cinco de perímetro, co cal están considerados os mellores exemplares centenarios de Europa. Foron plantados a comezos do século XIX na propiedade do pazo da familia Quiroga. Os troncos caídos son aproveitados para contar anel a anel a súa historia aos visitantes.
Xa a mediados do século pasado a FAO, Organización das Nacións Unidas para a Agricultura e a Alimentación, reclamara a protección desta fraga. Na actualidade é un dos Monumentos Naturais galegos e forma parte do catálogo de Árbores Senlleiras da comunidade.
Fotogrametría:
Propiedade: Pública
Uso actual: Outros
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:
Listaxe de árbores e formacións senlleiras
http://www.xunta.es/dog/Publicados/2007/20070417/AnuncioD506_gl.pdf
Decreto 67/2007, do 22 de marzo, polo que se regula o
Catálogo Galego de Árbores Senlleiras
http://www.xunta.es/dog/Publicados/2007/20070417/AnuncioD506_gl.pdf
PROTECCIÓN DE ÁRBORES E FORMACIÓNS SENLLEIRAS EN GALICIA
Antonio Rigueiro Rodriguez Departamento de Produción Vexetal.
Universidade de Santiago de Compostela
http://goo.gl/iNr0f9
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:
Unha liña de alta da compañía Gas Natural-Unión Fenosa podería pasar sobre terreos da fraga de Catasós. Colectivos en defensa da fraga e concello de Lalín intentan negociar coa compañóa un cambio de trazado.
Onde está localizado
Latitude: 42.6351111133Lonxitude: -8.09467077255
Empregamos o sistema de coordenadas WGS84
2 comentarios
elixiovieites says:
Mar 21, 2016
Novas sobre o trazado da liña de alta que se pretende pasar pola fraga de Catasós
http://www.farodevigo.es/portada-deza-tabeiros-montes/2016/02/16/fenosa-analizara-calma-variante-linea/1405615.html
Colectivos en defensa da fraga e concello de Lalín intentan negociar coa compañía un cambio de trazado.
Facebook de Salvemos Catasós
https://www.facebook.com/salvemoscatasos/
A Xunta de Galicia ten creado e regulado
o Catálogo galego de árbores senlleiras, a través do Decreto 67/2007,
do 22 de marzo. Este decreto estableceu o réxime xurídico básico
para as árbores e formacións que se inclúan no dito catálogo,
coa finalidade de protexelas de posibles riscos e ameazas,
garantindo así a súa conservación. Listado de árbores senlleiras
http://www.cmati.xunta.es/c/document_library/get_file?folderId=163779&name=DLFE-32507.pdf
(pax. 6 de 7 do pdf)
Decreto do catálogo de árbores senlleiras
http://www.xunta.es/dog/Publicados/2007/20070417/AnuncioD506_gl.pdf
elixiovieites says:
Mar 22, 2016
ALEGACIÓNS INTERPOSTAS CONTRA A PROBLEMÁTICA LIÑA DE ALTA TENSIÓN O IRIXO-LALIN Artigo publicado o 18-09-2015 en Faro de Vigo.
Antonio Presas.
Unha Liña de Alta Tensión (LAT) oportuna e sutilmente presentada como a indiscutible panacea para resolver os problemas eléctricos que historicamente afectan a Comarca de Deza, en lugar de ser recibida con xúbilo polos seus habitantes é considerada como unha grave ameaza contra o medio natural e a culpable da destrucción de parte dun dos mellores bosques antigos. O trazado dunha LAT de 132 KV entre as subestacións de O Irixo e Lalín, percorrendo unha distancia de 21,7 Km (un 20% superior á súa separación en liña recta), afecta a un dos enclaves máis representativos da paisaxe forestal antrópica da comarca de Deza, as fragas de Catasós e Casas Vellas. Unha extensa mancha forestal de árbores caducifolias, propias do bosque atlántico húmido, abarca gran parte da vertente esquerda do regato de Quintela, orientada cara o Norte, en clara oposición coa outra parte da parroquia de Catasós, orientada cara o Sur, por formar parte da vertente dereita do río Asneito. Na súa orixe o vocablo Catasós (cata-sol) fai referencia a un lugar orientado cara o Sol, por iso esta parroquia, centrada en torno a unha altura media de 600 metros, presenta un claro contraste ou disimetría entre as dúas zonas indicadas. E todo isto hai que telo en conta á hora de trazar infraestructuras ao longo da parroquia, como foi no seu momento a N-525, a autopista Ourense-Santiago e agora a LAT 132 KV O Irixo-Lalín. Esta liña eléctrica, de trazado Sur-Norte, entra na parroquia pola parte meridional ou de solaina, na que a formación vexetal dominante é o “mato ou matogueira” e sen saír dela, á altura do Monte de A Costa, ao Sur de Torguedo, describe un xiro cercano aos 90º en dirección ao Castro de Catasós, para adentrarse logo, transversalmente, ao longo da extensa mancha forestal localizada cara o Norte, na vertente umbría ou avesía. As excelentes condicións medio ambientais desta parte da parroquia, na que tamén se experimenta un profundo cambio nas características do solo, convértena nun espacio de longa historia habitacional desde a época castrexa. O trazado da LAT non se viu afectado por problemas significativos ata chegar, precisamente, a esta zona pero os enxeñeiros responsables do seu trazado e as autoridades administrativas locais ou autonómicas non souberon entender a situación. En consecuencia, a maioria das alegacións formuladas por particulares damnificados presentáronse nesta parte da parroquia, nunha cantidade que bate un “record” ou rexistro histórico da oposición que ten habido respecto das outras infraestucturas anteriores a nivel comarcal. As alegacións presentadas contra ese inapropiado proxecto reflexan moi claramente a problemática pero, no seu conxunto, tamén conteñen unha serie de matizacións que se poden considerar universais, típicas de calesquera alegacións que se presenten contra un determinado proxecto que afecta a propiedades particulares. Entre as numerosas queixas presentadas e, maioritariamente, non resoltas pola empresa responsable do devandito trazado, pódense sinalar as que se indican a continuación. – As relacionadas coa identificación dos propietarios por estar mal recollidos os nomes ou apelidos, por figurar unha dirección incorrecta, por cambios de domiciliación, por cambios na titularidade das parcelas que puideron ser vendidas ou repartidas por falecemento do anterior propietario entre os herdeiros (partillas), por erros nos autorizados como representantes – Casos nos que se omiten parcelas dun determinado propietario, fincas a nome de persoas que non son as propietarias reais, fincas de titutares descoñecidos cando, na realidade, corresponden a propietarios ben definidos e con documentación acreditativa. Neste senso tamén se solicita a inclusión de parcelas que estando afectadas non aparecen na relación de Bens proposta pola empresa. – Solicitando desvios laterais en determinadas fincas por considerar que quedan inservibles ao pasar a LAT polo medio e, noutros casos, expropiación total de parcelas porque, co paso da liña eléctrica, quedan sen valor agrícola. Cambios nos camiños de servidume para mantemento da liña, porque existen vías ou camiños públicos dispoñibles ao efecto e non é preciso pasar por fincas particulares – Recoñecemento e idemnización de tódolos bens afectados como poden ser arbores, valados ou predios cercados que deberán abrir para pasar a LAT. – Estudio de Impacto Ambiental (EIA) incompleto e falta dun estudio previo con outras alternativas posibles a esta afectación. – Afectación do trazado non só a algún núcleo de poboación, como Regoufe, senon tamén a unha gran masa arbórea que se pode considerar parte, por extensión, do gran conxunto denominado “Fragas de Catasós”, onde se localiza o denominado “Monumento Natural”. – Confusión en cando aos usos do solo (monte baixo, monte alto, prado, carballeira, souto, plantacións, etc) en diferentes parcelas. En ocasións os cultivos reais non coinciden cos que aparecen na RBDA (Relación de Bens ou Dereitos Afectados). Demándase que na calificación dos cultivos se teña en conta como están os terreos no momento do levantamento das actas previas de ocupación. Os usos do solo deben ser correctos para poder efectuar unha valoración adecuada – Ocasiona afeccións físicas e danos medio ambientais no contorno en elementos arbóreos, en núcleos de poboación, en cultivos, en especies animais e en alimentos que se cultivan debaixo da LAT, que recibirán unha radiación electromagnética considerable. En resume, significa un perigo para a saúde de persoas e animais, quedando asimesmo afectados os terreos limítrofes non expropiados Para soluccionar isto proponse variar o trazado ou levalo soterrado pola N-525, que é de propiedade municipal, desde o apoio 49 ata a subestación de Lalín – Queixas porque a empresa non comunicou, aos veciños afectados, por onde discorría a LAT, nin a ocupación superficial (lonxitude e anchura en metros) ocasionada pola liña, nin o prezo. É preciso que se contemplen as afectacións legais establecidas de servidume de voo a cada lado da liña, 50 metros a cada lado do eixe central, porque o solo afectado queda clasificado como Solo Rústico de Especial Protección de Infraestructuras (SREPI) – Necesidade de proceder ao estaquillado no terreo da zona de servidume para poder valorar correctamente os bens afectados e acalarar as razóns polas que aparecen diferentes tipos de ancho ao longo do trazado. – Non compatible con moitos dos terreos afectados que están clasificados no PXOM de Lalín como Solo Rústico de Especial Protección (SREP) – Carencia de algúns informes preceptivos de Augas de Galicia respecto dos regatos de Murazón e Quintela, afectados polo paso da LAT. – Finalmente, nalgunhas alegacións faise constar o problema do impacto visual que vai ocasiobar a liña ao pasar tan cerca de núcleos de poboación e atravesando masas forestais. A xeito de resume pódese decir que durante o trámite de información pública relativo á LAT 132 KV O Irixo-Lalín, publicado no Diario Oficial de Galicia de 21-11-2011, presentáronse unhas 123 alegacións de particulares contra este trazado, das que 84 facían referencia aos danos medio ambientais que ocasionaba a liña eléctrica ao seu paso polas carballeiras e soutos de Catasós e Casas Vellas e á necesidade de buscar un trazado alternativo empregando, como lugar de conducción, a estrada N-525. Neste caso, dita conducción debería ser soterrada por medio de tubos de dous metros de diámetro, nas mesmas condicións que propón a empresa solicitante para outros tamos do trazado.