Outra fotografía:

Tipo de ben: Igrexa,
Concello: Ourense
Parroquia: Ourense
Lugar: Ourense - Praza da Trindade
Outra denominación do ben:
Cronoloxía: Época Baixomedieval,
Descrición:

A Igrexa da Santísima Trindade foi fundada entre finais do século XII e comezos do XIII non moi lonxe do Hospital de peregrinos de San Roque, do que xa se teñen noticias de comezos do século XII. Nos séculos XV e XVI leváronse a cabo reformas que lle deron o aspecto actual, con dúas características torres cilíndricas na fachada principal que lle outorgan un aspecto de castelo. Unha destas torres, a da esquina norte, sostén un corpo cadrado de campás. Foi entón cando se engadiron á cabeceira, que dá á rúa do Pai Benito Feijoo, uns recios contrafortes e unha crestería con pináculos de estilo gótico-flamíxero que percorre a cornixa. No interior, bóveda de cruzaría e retablo renacentista da Capela Maior.

Ao desaparecido hospital pertence a porta do adro exterior (Foto-2), trasladado aquí desde a súa localización orixinal na alameda, onde na actualidade se atopa o edificio de correos. Trátase dunha obra renacentista do século XVI organizada nun arco de medio punto enmarcado por dúas columnas acanaladas e con dous medallóns representando aos médicos Hipócrates e Galeno. Posúe tímpano triangular, cunha fornela acollendo a imaxe pétrea de San Roque, nos extremos dúas figuras fantásticas en representación do mal, e no vértice, un anxo. Na parte posterior da porta hai unha pequena escultura da Piedade.

O templo ten dúas portadas de ingreso. A da fachada principal presenta triple arquivolta de arcos apuntados arrancada de columnas de fuste liso e capiteis de variada decoración que apean sobre unha basa. O intradorso do arco inferior ten saíntes picudos, mentres que a clave superior e os salmeres están decorados cuns rostros de ruda talla, moi erosionados. A portada do lado do Evanxeo é menos abucinada, carece tamén de tímpano e presenta tres arquivoltas tardorrománicas decoradas con flores de catro pétalos, bolas, molduras baquetonadas e, o arco máis exterior, picos de serra. Baixo a arquería figura un único par de columnas de fuste liso.

No interior, de planta basilical, ou de nave única sen cruceiro, destaca a Capela Maior, cuberta con bóveda de cruzaría con profusión de nervios e claves, e presidida por un retablo do século XVI. Outros dous retablos laterais de estilo barroco, unha pía de auga bendita xeminada e algunhas pezas de imaxinería completan o mobiliario do templo.

Información: gl.wikipedia.org


Fotogrametría:

Propiedade: Privada
Uso actual: Outros
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

ENLACES WEB:
http://gl.wikipedia.org/wiki/Igrexa_da_Sant%C3%ADsima_Trindade_de_Ourense
http://www.turismodeourense.com/fileadmin/folletos/ruta_monumental_es.pdf

IMAXES NA REDE:
Ourense. Iglesia de la Santísima Trinidad. Portada occidental
Ourense. Iglesia de la Santísima Trinidad. Portada occidental
Iglesia de la Santisima Trinida en ORENSE
Iglesia de la Santisima Trinida en ORENSE
Iglesia de la Santisima Trinida en ORENSE
Iglesia de la Santisima Trinida en ORENSE
http://www.panoramio.com/photo/35100851
http://www.panoramio.com/photo/35100876


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 42.33308988857664
Lonxitude: -7.864258289337158
Empregamos o sistema de coordenadas WGS84