Outra fotografía:

Tipo de ben: Vivenda singular, Institucións políticas (concellos...),
Concello: Boimorto
Parroquia: Dormeá (San Cristovo)
Lugar: A Chavella
Outra denominación do ben:
Cronoloxía: Século XIX, Século XX,
Descrición:

As Casas de Lagoeiros ou de “Peones Camineros” son vivendas duns 30 m2 situadas correlativamente ao longo das estradas provinciais. Estaban a unha distancia dunha legua (5’5 quilómetros), que eran onde vivían os lagoeiros e as súas familias. Os Lagoeiros ou “Peones Camineros” eran dependentes do MOPU (Ministerio de Obras Públicas) e o seu traballo consistía no mantemento e conservación do tramo de estrada, dunha legua, entre a súa casa e a seguinte.
Estas casas tiñan dúas habitacións que acollían a dúas familias e contaban con forno, horta e baño comunal.

A casa da Chavella repite o esquema construtivo da maior parte destas vivendas: planta cuadrangular, unha soa altura, cuberta a dúas augas e paredes de cachotaría e cantaría. A fachada principal ten só tres ocos: unha porta e dúas fiestras.


Fotogrametría:

Propiedade: Descoñecida
Uso actual: Sen uso
Código no Catálogo da Xunta:
Categoría do Ben: Non está inventariado
Elementos mobles:
Tradición oral:

Na cultura popular os Lagoeiros estaban mal vistos porque, segundo a xente, cobraban demasiado polo pouco que facían. A imaxe típica do lagoeiro é a dun home apoiado no mango dun sacho sen traballar.


Historia recente do ben:
Referencias bibliográficas:

Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Malo
Atópase en perigo nestes momentos?:

Algunhas destas casas pertencen á Xunta de Galicia e non fai nada por arranxalas ou cedelas a concellos ou particulares. As poucas que seguen en mans privadas non perciben ningunha axuda para o seu mantemento e veñen dadas por herdanza así que no momento no que os seus actuais propietarios falezan pasarán á Xunta.


Onde está localizado

Latitude: 43.0025600615378
Lonxitude: -8.091859817504883
Empregamos o sistema de coordenadas WGS84