Outra fotografía:

Tipo de ben: Igrexa,
Concello: Gondomar
Parroquia: Morgadáns (Santiago)
Lugar: A Pedra
Outra denominación do ben:
Cronoloxía: Século XIX,
Descrición:

Neste lugar existía unha igrexa xa no ano 1145. A actual rematou de construírse no século XIX.
Ten unha nave e ábsida de planta rectangular cunha sancristía e unha capela adosadas no lado norte. A ábsida é máis elevada que o resto da edificación. A nave divídese en catro tramos diferenciados por arcos faixóns apoiados en pilastras. A bóveda da nave é de pedra en forma de medio canón. Os arcos faixóns que a sosteñen apoian en pilastras sen outra ornamentación. Na ábsida ten bóveda de aresta apoiada nun arco toral de medio punto. A bóveda da sancristía tamén e de canón.
A fachada occidental presenta unha rúa central que se simula por un dosel que apoia en dúas ménsulas e cobre a porta alintelada. Nos estremos cérrase por pilastras que se coroan con pináculos. A porta de entrada ten lintel plano e recercado de xambas, enmochetado e derrame
nas caras interiores. Enriba do dosel da porta unha ventá recercada e con derrame ao exterior, e, seguindo o mesmo eixe da fachada, un reloxo redondo enmarcado pola mesma moldura do remate da fachada. Remátase cunha cornixa cóncavo-convexa e espadana de dobre corpo cerrada por balaustrada perimetral de granito. No primeiro corpo ten dous ollos de medio punto e molduras. No segundo, un só oco, pináculos a ambos lados e remate en frontón triangular.
Na actualidade ten tres retablos. O maior ocupa todo o fondo da ábsida. Na rúa central unha gran caixa con arco de medio punto acolle o Calvario, con Cristo na Cruz e a Dolorosa. Nas laterais, sobre peañas, dúas fermosas imaxes: á dereita o Patrón Santiago Apóstolo, sentado e con bordón e libro, e á esquerda a Inmaculada. Na nave, xunto ao arco triunfal están os outros dous, dispares entre si: un dedicado ao Sagrado Corazón e o outro á Virxe do Carme.


Fotogrametría:

Propiedade: Privada
Uso actual: Outros
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:

De todos eles o mellor e o do Sagrado Corazón, que é barroco moi sinxelo, pero
con bos estípites.
A imaxinería que hai na igrexa é boa, probablemente de outros retablos xa
desaparecidos. Son de destacar, ademais do Patrón, S. Amaro e S. Bieito,
hoxe en día na repisa do ático do retablo do Sagrado Corazón, e S. Pedro.


Tradición oral:
Historia recente do ben:
Referencias bibliográficas:

http://www.planeamentourbanistico.xunta.es/mapes/GONDOMAR/documents/0788CA004.pdf (P. 5)


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 42.110341510490045
Lonxitude: -8.723922371864319
Empregamos o sistema de coordenadas WGS84