Outra fotografía:

Tipo de ben: Ponte,
Concello: Ames / Negreira
Parroquia: Agrón (San Lourenzo) Portor (Santa María)
Lugar: Ponte Maceira
Outra denominación do ben: A Ponte Vella
Cronoloxía: Época Baixomedieval, Idade Moderna (XVI-XVIII),
Descrición:

Ponte formada cun tramo principal de cinco arcos feitos de sillería granítica e construído, segundo algúns autores, aproveitando os piares dunha ponte de época romana. Catro arcos son de medio punto e o central, de maior altura e con máis tramo de luz, é de forma oxival. Posúe un tramo de acceso no que se abren dúas arcadas de vertedoiro e protexe a súa estrutura da corrente con catro grandes rompeaugas a base de fieiras de sillería de forma escalonada. A calzada, con peralte ata o centro do arco central, mide uns 100 m. de lonxitude. Os pretís de mampostería e rematados con perpiaños, teñen dous pequenos lenzos de muros máis elevados no seu centro.
Foi construído no século XIV por petición da Mitra Compostelá e reformado no XVIII. Durante o medievo permitía cruzar o Tambre dende Santiago cara ás terras noroccidentais de Galicia.
Este lugar foi un dos escenarios da chamada Batalla de Altamira en 1471, entre o señorío arcebispal de Fonseca II que gobernaba dende Rocha Forte (Santiago) e a liñaxe dos Moscoso que exercían o seu poder dende as Torres de Altamira (Brión) para facerse co control das terras da Amaía. As tropas eclesiáticas acabaron derrotadas.
Neste enclave, segundo conta a Historia Compostelana, librouse tamén unha batalla entre
o arcebispo Xelmírez e Pedro Froilaz, o conde de Traba. Esta ponte era o límite dos seus respectivos señoríos.
No lugar Ponte Maceira atópase un conxunto monumental ben conservado, constituído por un poboado da época medieval, un antigo muíño, unha presa, a capela de San Brais do século XVIII e o pazo de Baladrón, construído nos anos 50. Esta ponte é paso obligado da ruta Xacobea cara a Fisterra.
Nun outeiro situado a 300 metros ao suroeste da ponte, está o castro de Piñor.


Fotogrametría:

Propiedade: Pública
Uso actual: Infraestrutura
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:

“Contan que a ponte se derrubou cando os soldados romanos perseguían os discípulos de Santiago, que pediran un lugar digno para enterrar o seu mestre, entón as augas abríronse para facilitar a fuxida dos que se consideraban elixidos de Deus e logo arrastraron os romanos río abaixo “.
Da páxina do concello de Ames:
http://www.concellodeames.gal/areas_turismo_e_patrimonio_arquitectura_civil.php


Historia recente do ben:
Referencias bibliográficas:

Referencias históricas de Ponte Maceira en:
Vilar Álvarez, Manuel. El Camino al fin de la tierra. 2010.
ED. Asociación Cámaras Oficiales de Comercio, Industria y Navegación
de los Caminos Jacobeos
web:
http://www.camaracompostela.com/caminos/pi2009.pdf
(pax. 33-39 do pdf)

Un plano da Ponte Maceira en :
“Ciudad e historia: la temporalidad de un espacio construido y vivido”.
José Antonio Fernández de Rota y Monter. Universidad Internacional de Andalucía/ AKAL. Ano 2008 . Pax 126.


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 42.9053310218
Lonxitude: -8.69503498077
Empregamos o sistema de coordenadas WGS84