Outra fotografía:
Tipo de ben: Igrexa,
Concello: Vigo
Parroquia: Castrelos (Santa María)
Lugar: A Igrexa
Outra denominación do ben: Santa María de Castrelos
Cronoloxía: Época Baixomedieval,
Descrición:
Igrexa románica do século XII. Posúe unha planta dunha soa nave con ábsida semicircular. Os muros son lisos sen contrafortes, con cinco fiestras na nave, dúas no muro norte, dúas no sur e unha no oeste. A ábsida está iluminada grazas a tres óculos dispostos simetricamente no tramo semicircular. Ten dúas portas, unha en cada panel da nave, con catro e seis columnas, respectivamente. Toda a ábsida se atopa percorrida interiormente por un banco corrido sobre o que se erguen as basas das columnas.
Fotogrametría:
Propiedade: Privada
Uso actual: Outros
Código no Catálogo da Xunta:
Categoría do Ben: Inventariado (Inventario de Bens Patrimoniais da Xunta Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:
Onde está localizado
Latitude: 42.2105380688Lonxitude: -8.72574090958
Empregamos o sistema de coordenadas WGS84
7 comentarios
adela suma says:
Xul 26, 2011
A ficha deste elemento catalogado con protección integral no PXOM de Vigo (16/05/2008) pode consultarse en:
http://www.planeamentourbanistico.xunta.es/siotuga/documentos/urbanismo/VIGO/documents/26620ca017.pdf
Oscar Franco says:
Mar 7, 2013
Noticia recente no xornal:
http://www.lavozdegalicia.es/noticia/vigo/2013/03/07/iglesia-castrelos-aspira-tercera-vigo-declarada-bien-interes-cultural/0003_201303V7C3991.htm
Oscar Franco says:
Mar 7, 2013
Gustaríame engadir alguha información máis:
A súa orixe remóntase ata o século XIII. Existe unha inscrición onde se nomea o año de 1216, aínda que é posible que esta pedra inscrita formara parte dunha pedra fundacional.
O edificio é de planta rectangular de nave única con ábsida semicircular, de vinte metros de largo por sete de ancho. Os muros, de considerable grosor a causa do dobre parámetro de perpiaño, son lisos sen contrafortes, salvo a ábsida que separa o tramo recto do semicircular. As cubertas resólvense cunha estrutura de madeira sobre a que repousa a tella do país, aparecendo os abovedamentos unicamente nas ábsidas. Na igrexa podemos atopar cinco ventás na nave: dúas no muro norte, dúas no muro sur e unha no muro oeste. A ábsida está iluminada grazas a tres ocelos dispostos simetricamente no tramo semicircular.
Ten dúas portas, unha en cada panel da nave, con catro e seis columnas, respectivamente. Na fachada occidental, a principal, preséntase unha porta de arco apuntado e unha ventá de arco semicircular. As chambranas de ambas son decoradas con billetes. A porta presenta tres arquivoltas con diferentes motivos xeométricos, como hexafolias en círculos, flores pequenas e arestas baquetonadas. No tímpano sitúase unha cruz patada e seis árbores cunha bola na súa copa e as ramas en espiral. As arquivoltas van apoiadas sobre tres pares de columnas adosadas de fuste liso, basas lixeiramente decoradas e capiteis de follas picudas. A ventá é similar pero deixa entrever unha cruz trelobada moi deteriorada no seu tímpano. Na fachada meridional ábrese unha porta e dúas ventá, as tres con chambranas con billetes. Dúas arquivoltas con diversos motivos suxeitan en dous pares de columnas lisas e dosadas. os seus capiteis e basas son moi similares a da fachada principal. O tímpano é tamén moi similar ao principal con flores e follas e unha cruz no medio. Na fachada septentrional presenta unha porta de arco apuntado e dúas seteiras. A decoración desta porta é similar á principal. Por debaixo do aleiro sitúase unha líña de canecillos de diversas morfoloxías. No interior son de admirar o arco triunfal e a decoración deste, das ventás e das portas.
A entrada da ábsida dende a nave resólvese a través dun arco apuntado. O tramo recto da ábsida está dividida por un arco faxón intermedio que sostén unha bóveda apuntada. O tramo semicircular cóbrese cunha bóveda dun cuarto de esfera, tamén chamado “de forno”. Toda a ábsida atópase recorrido interiormente por un banco corrido sobre o que se erguen as basas das columnas.
O interior da ábsida está iluminada por tres rosetóns. A moldura exterior destes é axadrezada, logo ven un oco circular nona lobulado e se comunica co interior mediante unha celosía de cinco ocos circulares en forma de cruz.
A igrexa sufriu distintas reparacións que enmascararon a súa beleza artística. Ao redor de 1940 restaurouse e se descubriron pinturas murais sobre a vida de Xesucristo e unha inscrición que acredita que o templo foi consagrado en 1216.
Sobre a súa historia sábese que pertencía á Encomenda de Beade, da Orde Militar de San Juan de Malta.
Na parte esquerda dunha ventá da fachada existe un perpiaño cunha sinal castreña que Castelao denominaba “esvástica del Miño” e que consideraba propia da arte rupestre local.
RAFAELIUX says:
Mar 9, 2013
Pertencía á encomenda de Beade? WOW! outra igrexa templaria entón en Galicia
rafaeliux says:
Nov 4, 2019
En Beade nunca houbo templarios, só Hospitalarios.
isaac says:
Nov 4, 2013
Tradución da inscripción na pedra da consagración:
-“En la era de 1254 (año 1216), día XV idus kalendas del mes de julio (¿17 de
junio?, ¿27 de junio?), Pelayo Arias, comendador de Tebra, hizo esta iglesia,
consagrada [siendo] Juan Alvo comendador de Gueifães.”
Oscar Franco says:
Ago 17, 2016
Non so é unha igrexa ben fermosa, senón que agora a podemos ver sen os cableados da luz no exterior.
A nticia é do 12 de agosto de 2016:
http://www.farodevigo.es/gran-vigo/2016/08/12/retiran-cableado-aereo-iglesia-romanica/1514283.html