Outra fotografía:

Tipo de ben: Igrexa,
Concello: Limia (comarca) / Sandiás
Parroquia: Santo Estevo de Sandiás
Lugar: Sandiás
Outra denominación do ben:
Cronoloxía: Idade Moderna (XVI-XVIII),
Descrición:

Construída no século XVI (antes de 1520) baixo a dirección do mestre de cantería de orixe portuguesa, Bartolomeu de Nosendo, que anteriormente traballara nas obras do mosteiro de Xunqueira de Ambía, e logo da igrexa de Sandiás, no Mosteiro do Bon Xesús de Trandeiras. Trátase dunha igrexa tardo-gótica e renacentista que consta dunha soa nave e un presbiterio cuadrangular (a parte onde se sitúa o altar) cuberto por unha interesante bóveda de crucería. No interior os arcos que sosteñen o teito descansan sobre altas columnas adosadas ós muros con capiteis con motivos renacentistas. No exterior destaca pola súa portada de estilo gótico tardío propia do arte manuelino (un estilo artístico portugués que denota a orixe do mestre de obras), un estilo pouco frecuente en Galicia. Ó seu carón atópase a reitoral construída a mediados do século XVIII e o cruceiro de Sandiás, compoñendo entre todos os elementos un fermoso conxunto histórico-artístico dun indubidable valor.


Fotogrametría:

Propiedade: Privada
Uso actual: Outros
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:

O retablo maior realizouse entre os anos 1603 e 1607, esta última data visible no alto do retablo logo das obras de restauración a que foi sometido hai uns anos, e na que o recuperou as antigas cores e as pinturas orixinais.

É uns dos poucos retablos tardo-manieristas que chegou ata nós completo, seguindo un modelo de moda naquel momento imposto polo do Mosteiro do Escorial. Nel traballou Francisco de Moure, un dos mellores artistas galegos do primeiro terzo do século XVII, sendo unha das obras máis importantes da primeira etapa deste escultor.

Consta dunhas imaxes dotadas dunha grande forza expresiva na que xa se adiviñan os novos aires do novo estilo que chegaría anos mais tarde a Galicia e que tería unha grande importancia na nosa arte: o barroco.

Consta de dous corpos, tres rúas e un ático. Destacan no primeiro corpo san Pedro e san Paulo e no segundo san Francisco, santo Estevo e san Lourenzo. De grande interese son o conxunto de pinturas manieristas (A Anunciación, A Visitación, Os catro doutores da Igrexa, e varias santas) realizadas no ano 1605 polo pintor portugués Domingo Lourenço Pardo, ademais de varias pinturas que saíron a luz despois de restaura-lo retablo.


Tradición oral:
Historia recente do ben:

O Concello de Sandiás, grazas a concesión dun Obradoiro de Emprego, realizou obras de rehabilitación da contorna da igrexa de Santo Estevo Sandiás durante o ano 2004. Durante ese mesmo ano, o Concello de Sandiás mellorou notablemente os accesos á igrexa coa construción dunha nova rúa de acceso.


Referencias bibliográficas:

Fotografía en branco e negro do cruceiro, a reitoral e a igrexa de Santo Estevo de Sandiás (Ourense) nun folleto publicitario das eleccións locais do ano 1979.
Fotografía en branco e negro do cruceiro, a reitoral e a igrexa de Santo Estevo de Sandiás (Ourense) nun folleto publicitario das eleccións locais do ano 1979, as primeiras eleccións municipais da Democracia.

Foto das obras de rehabilitación da contorna da igrexa de Sandiás a cargo do Obradoiro do Emprego (Maio 2004).
Obras de rehabilitación da contorna da igrexa de Sandiás a cargo do Obradoiro do Emprego (Maio 2004).

Revista cultural e turística do concello de Sandiás ¨A Torre do Castro¨(Nº 3, 2009).

¨Los Caminos de Santiago en Galicia. Camino del Sudeste – Vía de la Plata¨(Xacobeo. Xunta de Galicia, 2007)


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Moi bo
Atópase en perigo nestes momentos?:

Onde está localizado

Latitude: 42.1133778873
Lonxitude: -7.75478124619
Empregamos o sistema de coordenadas WGS84