Outra fotografía:
Tipo de ben: Ponte,
Concello: Ames / Santiago (comarca)
Parroquia: Bugallido (San Pedro)
Lugar: Quistiláns
Outra denominación do ben: Ponte Cabrita
Cronoloxía: Descoñecida,
Descrición:
Ponte posiblemente medieval que cruzaba o Río Sar un pouco máis arriba do Castro de Quistiláns (Castro de Mirás).
O seu ancho non era maior que o dun carro e tiña a particularidade de que cruzaba o río sobre unha fervenza, ó facelo sobre dúas rochas de distinta altura o seu único arco é de cuarto de punto.
Foi destruído por unha riada no ano 1987, quedando só o arco.
Fotogrametría:
Propiedade: Pública
Uso actual: Sen uso
Código no Catálogo da Xunta:
Categoría do Ben: Non está inventariado
Elementos mobles:
Tradición oral:
Contaban os vellos que estaba encantada, e que dela saia ó amencer unha galiña con pitos de ouro, e o que soubese desencantala levaría un gran tesouro.
Historia recente do ben:
O arco da ponte foi desentullado e a súa contorna limpada no ano 2017. Descubriuse tamén un anaco de calzada que sube pola marxe esquerda do río ata o camiño de servicio da autovía AG 56, que pasa moi cerca. Agora forma parte dun roteiro que habilitou o concello de Ames.
Referencias bibliográficas:
http://historiadeortono.blogspot.com.es/2009/06/ponte-cabrita.html
http://historiadeortono.blogspot.com.es/2010/04/as-pontes-antigas-sobre-o-sar.html
Afeccións
Ten camiño de acceso?: NonEstá cuberto de maleza: Si
Está afectado por algunha obra: Non
Estado de conservación: Regular
Atópase en perigo nestes momentos?:
Séguelle faltando o taboeiro da ponte e os muros de pedra que facían o camiño de paso sobre o río. Consérvase o arco de cuarto de punto que foi desentullado dos troncos de árbores que o atrancaban e amosa agora un bo estado das súas doelas.
Onde está localizado
Latitude: 42.8641379262Lonxitude: -8.61281991005
Empregamos o sistema de coordenadas WGS84
Se estiveches nel, valora o estado deste Ben Cultural (é importante):
(7 votos)
Loading...
13 comentarios
Paulo Calvo González says:
Ago 26, 2015
Boas!
Meu pai é da zona, mais concretamente da aldea de Outeiro (tamén da parroquia de Bugallido) e contoume que a ponte era un lugar de quedada nos seus tempos de raparigo. Seica alí quedaba a rapazada para bañarse cando apretaba a calor no verán.
Tamén me comentou que seica nesa zona hai o que nós denominamos unha “vagoada”, é dicir, un fochano no terreo moi profundo. A xente intentaba ir mergullando ata o fondo, mais parece que ninguén o acadaou.
Meu pai lémbrase especialmente dun rapaz chamado Xan Castro, que era moi bon nadador e que se guindaba a auga e botaba tempo esquencido mergullado ata aparecer por outro lado do río. Ó saír comentaba que por debaixo había como unha especie de galerías. (De ser certo, supoño que será polo territorio calcáreo).
Tamén meu pai me contou que un día os homes da parroquia tiraron un carro das vacas atado a uns adivais para intentar chegar ó fondo… E nada!
Agardo que vos gustasen estas lembranzas de meu pai.
Un saúdo!
Elixio V. says:
Ago 27, 2015
Moi interesante, o tema de buscar o fondo das pozas. Dase tamén noutros lugares e sempre se asegura que non o teñen ou non se dá chegado. Por outra banda aínda noi sei se a ponte segue en pé a día de hoxe
elixiovieites says:
Mai 1, 2016
http://www.concellodeames.gal/nova.php?noticia=14014&idioma=gl&sec=32
[30-04-2016] O goberno municipal de Ames vén de enviarlle unha solicitude a Augas de Galicia na que se pide a axuda deste organismo para a limpeza da ponte Cabrita, atravesada polo río Sar e situada no lugar de Costoia, na parroquia de Biduído. Esta actuación está xestionada a través dos departamentos municipais de medio ambiente e patrimonio.
Efren says:
Feb 18, 2017
Aparte da ponte tamen hai un camiño medieval o outro lado do río que xa antes de facer a autovia estaba tapado pola maleza como estara agora.
ch says:
Mai 5, 2017
estase a limpar o entorno da ponte,poderase desfrutar de ela nos próximos días,e dun entorno privilexiado coma este.Magoa que este nese estado,e que o rio teña unha pésima calidade da auga….
Akin says:
Mai 21, 2017
A calzada que apareceu tras a limpeza, pola veira de Sar, é realmente impresionante. Ancha, con canles de desaugue, e cunha base de bo grosos. Agardemos aos arqueólogos…
O Perigo de derrube desta ponte aumentou de xeito importante se moi preto dela se fai a nova EDAR de Santiago, para o que terían que reventar moitos centos de miles de metros cúbicos de granito.
J.A.Iglesias says:
Xul 3, 2017
Creo que teño que visitar o lugar pois fai uns meses non se podia chegar, e parece que limparon a calzada. Teño moitos recordos pois pasei pola ponte cando se podia transitar, moitas veces con carro de vacas e incluso cun tractor. Tras aconstruccion da autovia de Brion quedou o acceso moi dificil. Ali tamen habia dous muiños que destrueu a misma riada do 87.
elixiovieites says:
Out 13, 2017
Ponte Cabirta. Outubre 2017
elixiovieites says:
Nov 12, 2017
A foto desta ficha de Ponte Cabirta (tamén chamada Cabrita) foi cambiada polo editor de patrimoniogalego.net Elixio Vieites o 12 de Novembro de 2017, e reflexa o seu estado actual. Esta ponte será borrada da “lista vermella” da páxina polos traballos de recuperación do seu arco e a calzada da súa contorna, que forma agora parte dun roteiro que habilitou o concello de Ames.
magago says:
Nov 18, 2017
A Ponte Cabirta foi retirada da lista vermella o 18 de novembro de 2017, no transcurso dun roteiro organizado por patrimoniogalego.net co gallo do Día do Patrimonio Mundial e no marco da Rede do Patrimonio Cultural. Ao carón da ponte, foron as nenas dos lugares veciños, na presenza do concelleiro de Cultura de Ames, David Santomil, de representantes do movemento asociativo e da veciñanza, quen comunicaron a patrimoniogalego.net que se efectuaran as labores de limpeza das obstruccións do río que ameazaban con derrubar o arco.
Oscar Franco says:
Xul 9, 2020
A prensa dixital do 6 de xullo de 2020 anuncia o próximo proxecto de rehabilitación deste fermoso ben (Ver referencia bibliográfica):
http://culturagalega.gal/noticia.php?id=31315
Oscar Franco says:
Xul 25, 2020
Proposta de rehabilitación desta ponte na prensa dixital do 24 de xullo de 2020:
http://historiadegalicia.gal/2020/07/ames-e-a-deputacion-da-coruna-rehabilitaran-os-restos-dunha-das-pontes-mais-singulares-de-galicia/
Ramon Noya says:
Mar 8, 2021
Estes días pasados descubrin esta ponte da que meus País me teñen falado e contado algunha que outra anécdota como a da burra que non quixo pasar e preferiu tirarse a auga . A verdade e que me impactou ese espacio tanto pola ponte coma polo salvaxe do entorno..E una magoa que esta reliquia do noso pasado esté abandonada. Oxala ese proxecto de restauración se leve a cabo o mais pronto posible para recuperar este ben cultural e trazando una ruta de sendeirismo, aproveitando asimesmo que preto da ponte existe un petroglifo..