Outra fotografía:

Tipo de ben: Paisaxe histórica/cultural,
Concello: Pontevedra
Parroquia: Pontevedra (Santa María)
Lugar: Praza de España
Outra denominación do ben:
Cronoloxía: Século XX,
Descrición:

Erixido no ano 1909 por orde do Concello de Pontevedra en conmemoración da batalla de Pontesampaio entre unha forza conxunta de tropas regulares españolas e milicias populares galegas que se enfrontaron as tropas francesas dirixidas polo mariscal Michel Ney, que tivo lugar entre os días 7 a 9 de xuño de 1809, no escenario da Guerra de Independencia española. A resistencia dos españois, impediu a Ney o paso do río, véndose obrigado a retirarse.

O monumento xurde como iniciativa do parlamentario Eduardo Vincenti Reguera e do Centro Gallego de Madrid. O 9 de febreiro de 1909 o Concello de Pontevedra acorda conceder unha subvención de 500 pesetas e, posteriormente, aproba a aportación de pedra de granito que servirá de soporte as figuras de bronce. A iniciativa de Vincenti foi secundada por outros patrocinadores e colaboradores do proxecto escultórico, entre os que se atopa Javier Puig Llamas, alcalde de Pontevedra naquela época, que tamén foi presidente da Deputación e decano do colexio de avogados, así como o entón presidente do Senado, Montero Ríos. Todos eles pronunciaron os discursos no acto de inauguración do monumento o 27 de agosto de 1911. O goberno de S.M. Afonso XIII, que tamén cedería os bronces necesarios para a execución da escultura, concedeu paralelamente unha medalla conmemorativa dos combates de Ponte Sampaio. Na documentación oficial, tamén se recolle a aportación de fondos de moitos particulares para sufragar la obra. O conxunto foi realizado polo escultor ovetense Julio González Pola.

O Conxunto presentase coma un tramo de ponte feita en granito que sirve de soporte as figuras de bronce que representan a un grupo de labradores, estudantes e soldados suxeitando unha bandeira, e ao fronte o oficial Morillo. Na súa cara frontal aparece unha labrega portando o escudo de España. Na súa cara posterior, presenta a seguinte lenda feita con letras en bronce:

“Los Heroes de Puente Sampayo acaudillados por Morillo”

E debaixo:

“Primer centenario 1909”

Na cara dereita presenta outra inscrición labrada na pedra que reza:

“Julio G Pola – escultor”

Na beira esquerda do conxunto amosa outra:

“Erigido por suscripción popular a iniciativa del Centro gallego de Madrid presidido por el Excmo. S. D. Eduardo Vicenti y Reguera y siendo alcalde de Pontevedra D. Javier Puig Llamas y Gobernador de la provincia D. Jose Boente Sequeiros”

Durante o verán de 2010 foi o punto de encontro e reunión das mobilizacións do movemento 15M en Pontevedra que fixo da labrega do conxunto escultórica a súa imaxe icónica.


Fotogrametría:

Propiedade: Pública
Uso actual: Infraestrutura
Código no Catálogo da Xunta:
Categoría do Ben: Dato descoñecido
Elementos mobles:
Tradición oral:
Historia recente do ben:
Referencias bibliográficas:

Roberto Taboada Rivadulla, Arturo Hermida Samartín. “O monumento os heroes de Pontesampaio e o seu contorno” Deputación Pontevedra, Editorial. 2009. ISBN: 8484573303, 9788484573302

Referencias en internet:
El monumento a los héroes de Ponte Sampaio, un símbolo centenario.
http://www.lavozdegalicia.es/pontevedra/2009/06/09/0003_7772956.htm


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Moi bo
Atópase en perigo nestes momentos?:

Onde está localizado

Latitude: 42.43159754768878
Lonxitude: -8.64749550819397
Empregamos o sistema de coordenadas WGS84