Outra fotografía:
Tipo de ben: Castelo,
Concello: Vimianzo
Parroquia: Santiago de Cereixo
Lugar: Cereixo
Outra denominación do ben:
Cronoloxía: Idade Moderna (XVI-XVIII),
Descrición:
En Cereixo, vila medieval pertencente ó concello de Vimianzo, podemos ollar todo un conxunto monumental ao redor das torres. Estas torres do século XVI, flanquean o corpo do edificio no que se abre unha porta, de arco semicircular, no que hai un gran escudo ovoidal rodeado de dezaoito bandeiras floriseladas. O escudo está coroado e timbrado coa M dos Montenegro. Entre os oito cuarteis pódense ver os blasóns dos Bermúdez, os dos Castro de Lemos, as faixas horizontais dos Soutomaior, as aspas e o Ave maría dos Mendoza, as follas de figueira dos Figueroa e a banda engolada en dúas cabezas de dragón dos Andrade.
Noutros 3 escudos empotrados no lateral do edificio, distínguense os emblemas dos máis antigos posuidores das torres. Entre eles vemos a cabeza de lobo dos Moscoso, as mans de Carantoña, o piñeiro dos Caamaño e a torre de Guisamonte.
Chegando as portas das torres, ademáis de admirar todo o seu entorno, atopámonos cun carballo milenario, un carballo que cobre toda a praza coa súa arboladura xigastesca, pois para abrazar o seu tronco fan falla catro persoas, outro gran monumento a protexer e a disfrutar.
Fotogrametría:
Propiedade: Privada
Uso actual: Residencial
Código no Catálogo da Xunta:
Categoría do Ben: Ben de Interese Cultural
Elementos mobles:
Tradición oral:
Historia recente do ben:
Referencias bibliográficas:
-Lema Suárez, X.M.: “Os mellores pazos da Costa da Morte”. Asociación Neria, Cee, 2001.
-Troiano Carril, X.: “Camariñas, Corazón da Costa da Morte”, Libro inédito inscrito no Rexistro da Propiedade Intelectual no ano 2007, 2008 e 2009.
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Moi bo
Atópase en perigo nestes momentos?:
Non
Onde está localizado
Latitude: 43.13239564618212Lonxitude: -9.127069115638733
Empregamos o sistema de coordenadas WGS84
6 comentarios
Manuel Rial says:
Set 4, 2011
Malia que se trata dun BIC, o pazo non se pode visitar. Aínda que a Lei de Patrimonio de 1995 obriga ós propietarios dos inmobles que son Bens de Interese Cultural, «a conservalos e procurar a súa rehabilitación, mostrar os bens ó público polo menos catro días ó mes de xeito gratuito e en horarios prefixados».
Manuel Rial says:
Set 4, 2011
Por certo, as Torres de Cereixo están á venda!
http://www.pisosgalicia.com/pazos/pazo-torres-cereixo.htm
O peor de todo é que na ficha se referencie que o pazo ten lavandería e tendedeiro e non se cite nin sequera que é un BEN DE INTERESE CULTURAL.
adela suma says:
Set 4, 2011
Alucinada me quedo con la venta de este pazo; tiene una piscina!! cómo construyeron esa piscina, en base a qué licencia y quién la facilitó; hasta donde yo llego, quedan declarados automáticamente por la ley 16/1985 tanto las manifestaciones de arte rupestre como los castillos; pero estas torres están además incluídas en el catálogo BIC (es decir, se incoó el expediente y se elevó en su momento); en las N.S.P. (1994) de Vimianzo pararecen las torres; enbtonces, quién dió licencia para las obras? si lo que se relata en la ficha de venta es cierto (un castillo del XV reciclado en palacio en el XVII, dato que sale de la docuemntación facilitada por el cliente, evidentemente, que los de las agencias inmobiliarias no son técnicos) se necesita permiso y cata para excavar, no? es que flipo
Manuel Rial says:
Set 4, 2011
Pois a verdade é que non o sei. E non sei ata que punto é verdade o do castelo reconvertido en pazo. O que si é verdade é que seica existiu un torreón de defensa no mesmo lugar, no século X, para defender o final da ría. Pero foi arrasada, xunto coa aldea de Cereixo polos viquingos. Logo non sei se se volveu construír o castelo ou non.
E respecto o da piscina xa non me sorprende nada. Non creo que fixeran nin a primeira escavación. Os últimos donos do pazo (os que o teñen agora) comprárano por ó redor de 15 millóns de pesetas, hai uns trinta anos. E non sei de cando é a piscina, pero ten que ser feita polos últimos donos, polos anos 80 ou así. Antes estaba en abandono, e tivérono que reformar. De aí que fora tan barato. E nesa reforma, obviamente, non se incluiu ningunha escavación, “por si las moscas”.
Manuel Rial says:
Set 7, 2011
Para non desaproveitar o que escribín e tamén ampliar información, engado o artigo que xa estaba repetido, por non mirar nos pendentes.
Situado sobre un pequeno outeiro, á beira da desembocadura do río Grande do Porto, este maxestuoso pazo presenta unha planta en forma de L, coa fachada coas torres cara o leste e unha ala lateral pola parte sur.
O pazo de Cereixo data posiblemente do século XVI, aínda que se viu alterado por varias reformas posteriores. No outeiro onde se sitúa, seica existía antigamente un torreón de vixiancia, para dominar o fin da ría de Camariñas, pero foi destruído e arrasado polos viquingos ó mesmo tempo que o lugar de Cereixo.
Os primeiros señores destas terras do curso baixo do Grande foron os Calo e os Carantoña, liñaxes propias da Terra de Soneira. Logo de sucesivos enlaces matrimoniais, as Torres de Cereixo acabarán sendo da condesa de Taboada, Mª Teresa de Castro, que se uniu a José Benito de Lanzós Nóvoa e Vilamarín, conde de Maceda.
A fachada, de cantaría, presenta unha estrutura cun corpo horizontal entre dous torreóns de pranta cadrada, rematados por merlóns pentagonais de adorno, entre os que se abren espazosas ameas.
No centro do corpo horizontal ábrese a única porta da fachada, rematada en arco de medio punto de grandes doelas. Enriba, o fachendoso escudo dos condes de Maceda e Taboada, do século XVIII, timbrado con coroa e orlado con 18 bandeiras. Nas outras fachadas, as das torres, que son a parte máis antiga, aparecen tres escudos, máis sinxelos, pertencentes ás liñaxes dos Carantoña (mans abertas e tres caras dos reis mouros), Guisamonde (torre), Caamaño (piñeiro) e Montenegro (o M).
Oscar Franco says:
Out 21, 2019
As Torres de Cereixo volven estar á venda. A nova é do 20 de outubro de 2019:
http://historiadegalicia.gal/2019/10/unha-inmobiliaria-alema-vende-unha-fortaleza-medieval-por-15-millons-de-euros-tres-millons-menos-do-que-pedia-en-2011/