Outra fotografía:

Tipo de ben: Asentamento,
Concello: Negreira
Parroquia: Bugallido. (San Pedro)
Lugar: Cornado, O
Outra denominación do ben:
Cronoloxía: Descoñecida,
Descrición:

Xacemento arqueolóxico de gran extensión, en boa parte modificado pola concentración parcelaria. Trátase dun recinto amurallado de 450 metros de longo no eixo lonxitudinal NE-SO, e un ancho de 283 metros (12 hectáreas de terreo aproximadas). A muralla está disposta con forma de naipe, de norte a sur. Está situado na zona superior dun outeiro que domina o límite entre o val da Barcala e as chairas do interior da provincia da Coruña. A muralla só se conserva no lenzo N e nun tramo de aproximadamente 100 metros no oeste, se ben no lenzo norte a altura está colapsada e o que é percibible é o terraplén, que vai gañando altura conforme se avanza ata o estremo leste. A maleza dificulta o exame do lenzo oeste, pero é posible que exista un foxo que se dispón de xeito lonxitudinal á muralla, pola súa cara exterior. Tamén con prevención, cómpre sinalar que nesa cara a muralla está composta por un aparello de pedra e terra.

No PXOM está catalogado como castro, se ben a súa morfoloxía e características fan desbotar esta opción. En xuño de 2013, Manuel Gago e Antón Malde presentaron no Simposio “De castros a castelos” a súa hipótese de que se trata dun campamento romano de gran extensión.


Fotogrametría:

Propiedade: Privada
Uso actual: Agrícola
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

GAGO, M., MALDE, A. “Tralas pegadas da Lexión do Oeste (I)”, en Capítulo Cero. [URL: http://www.manuelgago.org/blog/index.php/2013/06/04/tralas-pegadas-da-lexion-do-oeste-i/]


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Moi malo
Atópase en perigo nestes momentos?:

Onde está localizado

Latitude: 42.9607567379
Lonxitude: -8.86266231537
Empregamos o sistema de coordenadas WGS84