Outra fotografía:
Tipo de ben: Ermida,
Concello: Marín
Parroquia: Mogor (San Xurxo)
Lugar: Sete Espadas
Outra denominación do ben:
Cronoloxía: Idade Moderna (XVI-XVIII),
Descrición:
Pequena capela adicada á Virxe das Dores, de aí o nome de Sete Espadas dado ao lugar. Foi construída, segundo algúns indicios, entre 1773 e 1775. É Un edificio moi sinxelo, sen estilo definido, de pranta rectangular, case cadrada, sen aditamentos decorativos. No alto do pincho érguese unha simple espadaina, e diante do pórtico, un soportal sobre dous piares acolle un fermoso cruceiro.
A Igrexa servíu de inspiración a Castelao para pintar un óleo sobre cartón conservado no Museu de Pontevedra, titulado “A casa do cruceiro”.
Fotogrametría:
Propiedade: Comunal
Uso actual: Equipamento
Código no Catálogo da Xunta:
Categoría do Ben: Dato descoñecido
Elementos mobles:
No interior, nun retábulo de trazas clásicas, de madeira, adobiado con columnas de orde composta consérvanse varias imaxes, que representan á Virxe das Dores, a Santa Ana e a San Bieito.
Tradición oral:
Celébrase a romería o 25 de Xullo.
Historia recente do ben:
Referencias bibliográficas:
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:
Onde está localizado
Latitude: 42.381933105004045Lonxitude: -8.71152251958847
Empregamos o sistema de coordenadas WGS84
Se estiveches nel, valora o estado deste Ben Cultural (é importante):
(1 votos)
Loading...
3 comentarios
Oscar Franco says:
Nov 17, 2014
O catálogo do PXOM de Marín recolle esta capela:
http://www.planeamentourbanistico.xunta.es/siotuga/documentos/urbanismo/MARIN/documents/22861ca004.PDF (Páxina 44 e 45)
San Xurxo says:
Xul 19, 2023
Para ser “de patrimonio” non estades ben informados…deberiades informarvos antes de facer estas publicacións:
É a Virxen das Sete Espadas,7️⃣⚔️ polas 7 grandes dores que seica sufríu a Virxe na sua vida…
NON É a Virxe das dores, e precisamente sábese porque NON TEN O MANTO NEGRO característico…
Nas ornacinas do retablo está Santa Ana, A Virxe DAS SETE ESPADAS e San Andrés… A imaxe de San Benito éstá nunha ménsula lateral…
Máis que á Virxen, a devoción é por Santa Ana, onde van as preñadas para pedir un bó parto e volven ó ano a agradecer…
Ademáis, é propiedade da IGREXA
FRANJOPADIN says:
Xul 26, 2023
Grazas pola súa aportación.
Obviando o feito de que a Virxe era unha, a advocación da “Virxe das Sete Espadas” e a “Virxe das Dores” entendo que son a mesma: dúas formas diferentes de chamarlle á representación das sete dores da Virxe como sete espadas ou puñais espetados no corazón. É a mesma advocación, chámese das Sete Espadas, das Sete Dores, a “Dolorosa” ou Nosa Señora das Dores. A Igrexa católica afirma que as advocacións a María son simplemente un xeito de referirse a ela por algunha característica da súa vida, lugares onde se venera ou formas de representala, e nada máis. Así que se se lle quere chamar “das Sete Espadas”, non hai problema ningún. Non hai que fiar tan fino e facer unha advocación diferente porque en vez de espadas sexan floretes. Ademais, a Virxe das Dores non sempre vai de negro, tamén vai de púrpura, de morado, e de azul tamén as hai… iso vai depender do que se teña a man e do gusto do artista.
Aquí non somos “expertos” en Patrimonio. Esta páxina constrúese co coñecemento compartido de todos, incluido o seu. Así que grazas. Non sabía o da imaxe de San Andrés, escribín o artigo de memoria e de boa fe.