Outra fotografía:
Tipo de ben: Igrexa,
Concello: Arteixo
Parroquia: Sorrizo (San Pedro)
Lugar: Sorrizo
Outra denominación do ben:
Cronoloxía: Idade Moderna (XVI-XVIII),
Descrición:
Igrexa realizada en aparello de bos perpiaños, ten planta de salón (dunha soa nave) cunha capela maior con sancristía apegada ó lado norte. O teito é a dúas augas con cubrición de tella curva do país. A nave ten, polo lado sur, unha entrada rectangular alintelada cunha moldura que sobresae con respecto ó plano do muro e dúas xanelas rectangulares de igual molduración. Outra xanela de igual forma e no mesmo lado haina tamén na capela maior.
A fachada principal é de traza pentagonal e simétrica. De abaixo arriba presenta a porta de entrada rectangular cunha moldura semellante ás do muro lateral sur ao igual ca xanela rectangular que está enriba da porta. Sobre o pincho érguese un pequeno corpo rectangular que serve de base á espadana de dous corpos: o primeiro con dous arcos de medio punto apoiados sobre piares que acollen ás campás, e o superior cun frontón curvo partido coroado por unha cruz octogonal con remates florenzados con botón central.
Fotogrametría:
Propiedade: Privada
Uso actual: Outros
Código no Catálogo da Xunta:
Categoría do Ben: Non está inventariado
Elementos mobles:
Tradición oral:
Historia recente do ben:
Referencias bibliográficas:
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:
Onde está localizado
Latitude: 43.3117029419Lonxitude: -8.57746839523
Empregamos o sistema de coordenadas WGS84
5 comentarios
maría says:
Dec 30, 2013
O seu interior está de pena. Despois dun incendio que sufriu hai anos, non se fixo nada pola súa recuperación. O retablo maior está negro como consecuencia do incendio. Os outros dous retablos, un dedicado á Virxe do Carme e o outro a San Mamede están igual de negriños. Quedarán así para sempre?
maría says:
Dec 31, 2013
Foi construída por un crego, aló polo XVII. Seica trouxera as súas pedras do Monte da Ferreira. Tamén construíra unha Casa Reitoral ao seu carón (a que despois fora de Calviño e agora dunha anticuaria coruñesa). Disque fixera un pasadizo qhue comunicaba a Reitoral coa igrexa. Tamén figuraba ao seu carón o Pazo de Arixón, con escudo de seu no seu día. Aínda é coñecida como a Casa dos Fidalghos.
Séculos máis tarde construírase outra Reitoral no lugar de Cendemil da que hoxe só quedan algunhas pedras.
maría says:
Dec 31, 2013
Tamén ten unha vitalla, polo lado dos panteóns. Alí era onde se facían as autopsias. Vese un pouquiño nesta foto.
Xose Troiano says:
Dec 31, 2013
Moitas gracias María por estas valiosas achegas.
Xose Troiano says:
Ago 7, 2020
https://cronicasdearteixo.blogspot.com/2020/08/a-capela-e-romaria-de-san-mamede-de.html?spref=fb&fbclid=IwAR2RPLzMXXYHEXT_b5sslDOjv6TKRmc4sfJfplQMpqnaRTRkpjNnpIzdCqQ