Outra fotografía:
Tipo de ben: Muíño,
Concello: Mos
Parroquia: Pereiras (San Miguel)
Lugar: Casalmorto
Outra denominación do ben:
Cronoloxía: Século XIX,
Descrición:
Típico muíño de rodicio, con un inferno, de planta rectangular e cos muros de cachotería. Cóbrese a unha auga con tella do país. Aínda conserva o cubo.
No lintel da porta de entrada aparece unha inscrición case ilexible.
Este muíño, que se atopa dentro do Sendeiro dos Muíños de Pereiras, foi restaurado recentemente.
Fotogrametría:
Propiedade: Privada
Uso actual: Outros
Código no Catálogo da Xunta:
Categoría do Ben: Non está inventariado
Elementos mobles:
Tradición oral:
Historia recente do ben:
Referencias bibliográficas:
http://es.wikiloc.com/wikiloc/view.do?id=2087924
http://www.lavozdegalicia.es/vigo/2011/10/23/0003_201110V23C11992.htm
http://www.farodevigo.es/comarcas/2011/09/30/mos-ultima-obras-sendero-salgueira/584435.html
http://www.atlantico.net/noticia.php?id=155678
http://www.lavozdegalicia.es/vigo/2011/09/17/0003_201109V17C10996.htm
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:
Onde está localizado
Latitude: 42.1760581297Lonxitude: -8.64938110113
Empregamos o sistema de coordenadas WGS84
2 comentarios
Pablo Eirín says:
Abr 8, 2014
Sinceramente, señor Franco, paréceme pouco serio que nos tres muíños que catalogaches en Casalmorto empregues o mesmo texto. Penso que se facemos menos fichas e de máis calidade, máis xente poderá participar e máis aprenderemos todos. Isto é un traballo de cooperación non unha carreira.
No muíño do Rial destacaría que o cubo cilíndrico vai insertado no corpo do muíño, algo pouco común, o usual é que vaia separado. Mencionar tamén a canle de abastecemento que se sustenta no aire feita o tramo nunha soa pedra. Aparte de cachotería tamén hai pedra de cantería traballada, vease a bufarda e as grandes pedras empregadas. Falaría da bufarda feita nunha soa peza e do pousadoiro a esquerda da porta.
O muíño privado, de cubo en caixa, como tal terá propietario. O costume é que o muíño colla o nome de propietario se non é de herdeiros. Por certo que o pousadoiro de de feitura actual e teño que dicir que pouco afortunada.
E canto ao muíño do capellán, de cubo cilíndrico, son curiosos os chanzos de acceso a carón da boca do inferno. Canle de abastecemento feita por tramos sustentase un muro de cachotería que, inda que non se mire na fotografía, de seguro tiña un oco ou porta antes de chegar ao cubo.
Oscar Franco says:
Abr 9, 2014
Estimado PABLO EIRÍN:
Ante todo eu si o quero felicitar polo seu traballo en patrimoniogalego.net. Sigo con moito interese as súas achegas ao noso patrimonio.
Con respecto ao seu comentario a esta ficha catalográfica, quixera dicirlle que en ningún caso pretendo competir con ninguén nin por nada. Simplemente considero que as miñas modestas aportacións poden ser de interese para todos aqueles que amamos o patrimonio da nosa terra e queremos que se dea a coñecer.
Por suposto sempre teño en conta que os traballos poden ser complementados ou ampliados por outras persoas. Este sistema de información non deixa de ser unha plataforma de comunicación social na que o interesante e que podemos intercambiar información.
Un saúdo.