Outra fotografía:

Tipo de ben: Hórreo,
Concello: Vilamarín
Parroquia: León (Santa Baia)
Lugar: Cepedo
Outra denominación do ben:
Cronoloxía: Século XIX,
Descrición:

Hórreo de tipoloxía mixta (pedra e madeira) de sete claros de capacidade, sendo os oito pares de pés de pedra e mais os tornarratos con forma rectangular de pedra e con cabezas redondeadas.
Os perpiaños da estrutura que forman os sete claros, están ben traballados, os laterais da cámara en madeira que aínda se conserva en bo estado.
Os costais nos que atopamos polo nacente e poñente portas de entrada de madeira, sobre esta gravada a data de construción, case ilexible, do século XIX. Na cima cuberta a dúas augas con tella curva do país.
Os tres claros do lado de poñente son de maior tamaño que o resto, sendo o cuarto o mais pequeno, que se aproveita polo lado sur para ter unha terceira porta de aceso.
Atopámolo sobre muro de peche do patio de unha casa, no pobo de Cepedo.

O canastro mais abundante nestas terras é, seguindo a clasificación de Ignacio Martinez, o das terras orientais, de tipoloxía mixta (pedra e madeira), e única (madeira), con ou sen celeiro, segundo o caso.
O canastro tradicional desta comarca, sen dúbida o maior expoñente etnográfico e artístico destas terras, érguese maiormente sobre unha soleira empedrada ou aterrada nos mais dos casos. Sobre esta superficie sitúanse os pés, uns elementos compostos por unha breve columna de sección cuadrangular con arestas biseladas, rematada nun tornarratos con forma rectangular de pedra e con cabezas redondeadas, se son enteirizas, ou totalmente redondas, se son independentes os de cada pé, e que ten por obxecto imposibilitar o acceso dos roedores á cámara.
O número de pés varia en función do longo da cámara, sendo a media ducia o exemplo máis habitual.
A cámara é o elemento principal de este tipo de edificación. De planta rectangular, pode estar estruturada en un, dous, tres, catro, cinco e ata seis claros, que son como se denominan aos treitos de parede de madeira ou cantería, separados entre si por trabes pétreas verticais , que dividen o lateral dos canastros.
Os costais, onde nas mais das ocasións se sitúan os accesos a este peculiar almacén, péchanse con unha serie de táboas en sentido vertical, reforzadas horizontalmente con faixas, que deixan físgoas de entre 1 e 2 cm de apertura para permitir o paso a o vento que a de secar o gran.
Pola súa parte o frontal ou penal, pode estar configurado indistintamente polo mesmo modelo anterior, ou ben con un simple muro de perpiaño, no que tamén é posible ubicar un vano no que instalar a porta de entrada.
En ocasións a construción remátase con unha armazón de madeira que soporta un tellado a dúas augas, case sempre de tella curva, ornamentado con unha cruz e un pináculo ou bico na cumieira, a xeito de símbolos de carácter profiláctico laudatorio.
Os canastros ourensáns sitúanse nos lugares mais elevados dos eirados, ademais de sobre os valados que pechan estes, e mesmo sobre camiños, practicando sobre estes unha especie de ponte a xeito de portalón ou entrada.


Fotogrametría:

Propiedade: Privada
Uso actual: Agrícola
Código no Catálogo da Xunta:
Categoría do Ben: Inventariado (Inventario de Bens Patrimoniais da Xunta
Elementos mobles:
Tradición oral:
Historia recente do ben:
Referencias bibliográficas:

http://www.planeamentourbanistico.xunta.es/mapes/VILAMARIN/documents/0507CA005.pdf (P.5)


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Regular
Atópase en perigo nestes momentos?:

Onde está localizado

Latitude: 42.4681320416
Lonxitude: -7.87054002285
Empregamos o sistema de coordenadas WGS84