Outra fotografía:

Tipo de ben: Castelo,
Concello: Bergantiños (comarca) / Carballo
Parroquia: Sofán (San Salvador)
Lugar: A Ramiscosa
Outra denominación do ben: Castro de Guntián / Castro Grande
Cronoloxía: Época Altomedieval,
Descrición:

Aínda que na ficha do Pxom de Carballo do ano 2015 catalógase o asentamento co nome de Castro de Guntián, cremos que polas pequenas dimensión do recinto fortificado, de aproximadamente 22 metros de diámetro na parte central da croa, este responde á estrutura dun castelo ou mota altomedieval, das cales non hai moita documentación. A zona central elevada sería o sitio indicado para levantar unha atalaia ou pequena torre de control do territorio e as rutas das terras pertencentes a un couto ou xurisdicción. Esta mesma técnica construtiva rodeando unha croa central, sobresaínte da contorna ou en lixeira pendente mirando a un val, e dotándoa dun parapeto e foso, ou dous parapetos concéntricos cun foso central, vémola noutros recintos coas mesmas características na zona da Barcala e Costa da morte, coma o Monte do Castelo de Broño en Negreira, o Castelo do Pazo en Bembibre, As Cercas e o Prado das Torres en Serramo (Vimianzo) e Monte das Cercas en Brantuas de Abaixo (Ponteceso) por citar algunhas da zona contextual en que esta se atopa, o noroeste galego. Neste caso a croa sobresaínte está protexida de modo natural na banda noroeste polos noiros que caen en forte pendente cara o río Carral. Segundo podemos ler na ficha do catálogo arquolóxico. “…De NL. a S. artéllanse dous parapetos de 1,5 metros e 4 metros de altura respectivamente. Este sistema refórzase cun dobre foxo. Ten tres portas, a de maior interese e a do NL que ofrece paso entre dúas moreas de pedra. Presenta un poderoso sistema defensivo debido a especial morfoloxía do seu asentamento”. Na zona oeste, cruzando o río hai un topónimo que podería facer referencia a unha zona de control ” Os Cuarteles “.
Pola situación na que se atopa podería corresponderse coa torre de Asperón documentada entre os lugares de A Ramiscosa e Guntián, e que xunto coa de Pardiñas eran fortalezas medievais documentadas nas terras de Carballo.
A imaxe secundaria desta ficha é un LIDAR- PNOA cedido por ING-Xunta de Galicia.Instituto de Estudos do Territorio (IET)


Fotogrametría:

Propiedade: Descoñecida
Uso actual: Forestal
Código no Catálogo da Xunta: GA 15019018
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:

As lendas din que nesta zona vivían os “xentís”, persoas de grandes dimensións que habitaban alí sen relacionarse co resto da veciñanza.


Historia recente do ben:
Referencias bibliográficas:

http://www.pxomcarballo.org/pxom-aprob-feb2015/10_Tomo%20Xa_Catalogo%20de%20proteccion.pdf
pax. 58 do pdf


Afeccións

Ten camiño de acceso?: Si
Está cuberto de maleza: Si
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.1900807298
Lonxitude: -8.61615657806
Empregamos o sistema de coordenadas WGS84