Outra fotografía:

Tipo de ben: Monumento megalítico (túmulo, dolmen, pedrafita...),
Concello: Deza (comarca) / Lalín
Parroquia: Parada (Santa María)
Lugar: Alperiz
Outra denominación do ben: Mámoa da Cruz 7
Cronoloxía: Neolítico,
Descrición:

O dolmen atópase no cruce da estrada EP- 6010 que vai dende Carballeda en Lalín a Ventosa en Agolada, xusto no cruce de entrada ao lugar de Alperiz. Esta mámoa forma parte un conxunto de sete, que se denominarían ” As Mámoas da Cruz “, GA 36024017, círculos num. 1-41 no plano do pxom de Lalín, dentro do conxunto de Mámoas de Parada, quizá porque outra que se pode atopar pertencente a este grupo “da Cruz”, máis grande e que está a 100 metros ao norte, no outro lado da estrada, presenta un rebaixe cúbico, duns 20 cm. de lado nun esteo visible do dolmen, que sería o apoio da base do fuste dun cruceiro.
A súa vez estarían incluídas dentro do conxunto das Mámoas de Parada, outras dúas máis a 500 metros ao sueste, que se denominarían Zarra do Canal, código GA 36024016, numeración 1-40. Os dous lugares conformarían o Conxunto Megalítico de Alperiz.
Esta é a que está máis ao sur, dentro do grupo de sete que marca o mapa de localizacion do PXOM, xusto no cruce á beira da estrada. É unha das tres que quedan do grupo de Mámoas da Cruz, había sete orixinariamente. Presenta un túmulo duns 15 metros de diámetro, moi alterado polas labores agrícolas e de limpeza das cunetas da estrada. Non se pode apreciar o número de esteos que aínda se conservan. Un esteo que sobresae 1,5 m. de alto por 60 cm. de ancho dá cara á cuneta da estrada e nel podemos ver un gravado con motivos serpentiforme que estarían na liña dos atopados no dolmen do Altar do Sol, e os do lugar de Fonte Tourón, Goiás, Lalin atopados no ano 2005 por mor dos traballos arqueolóxicos previos á execución dunha obra de liña eléctrica. Son unhas lousas que presentan uns gravados de estilo propio do megalitismo e que agora forman parte dos lindes das fincas nas que se atopan.


Fotogrametría:

Propiedade: Privada
Uso actual: Forestal
Código no Catálogo da Xunta: GA 36024017
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

Plano de Situación, lenda SR-P.5 grupo 1-41, A situada máis ao sur
http://www.planeamentourbanistico.xunta.es/siotuga/documentos/urbanismo/LALIN/documents/0808PB016.JPG
Ficha do catálogo PXOM concello de Lalín ano 1999
http://www.planeamentourbanistico.xunta.es/siotuga/documentos/urbanismo/LALIN/documents/0808CA004.PDF
paxina 15
Un traballo sobre o contexto dos gravados serpentiformes
da zona Fonte Tourón
ELENA CABREJAS DOMÍNGUEZ; PATRICIA MAÑANA -BORRAZÁS; YOLANDA SEOANE- VEIGA
Laboratorio de Patrimonio, Instituto de Estudios Gallegos Padre Sarmiento del CSIC
http://digital.csic.es/bitstream/10261/20446/1/54.pdf

http://megalitos.arqueoloxico.com/fichaspo/36020020.html


Afeccións

Ten camiño de acceso?: Si
Está cuberto de maleza: Si
Está afectado por algunha obra: Si
Estado de conservación: Malo
Atópase en perigo nestes momentos?:

Esta afectada polo corte que se fixo para a construción da estrada, quedando os gravados expostos a intemperie. A súa vez está no radio de acción da máquina rozadora das cunetas.


Onde está localizado

Latitude: 42.7143025655
Lonxitude: -8.03313016891
Empregamos o sistema de coordenadas WGS84