Outra fotografía:

Tipo de ben: Asentamento,
Concello: Bergantiños (comarca) / Ponteceso
Parroquia: Corme Aldea (Santo Adrán)
Lugar: Froxán - Gondomil
Outra denominación do ben:
Cronoloxía: Descoñecida,
Descrición:

Recinto que se compón como un emprazamento defensivo cunha muralla ao redor dunha zona elevada e pedregosa que lle serve de defensa natural. Pola banda noroeste hai un segundo muro que cingue unha terraza en pendente. O recinto elevado mide uns 100 metros no eixo NE – SW, e cun ancho máximo na metade dese eixo cara o oeste, duns 30 m. Está a unha altitude de 157 metros e a 500 metros, en liña recta, ao sur do rego de Guxín e enriba do pequeno val onde se asentan as aldeas de Gondomil e Froxán. Neste lugar segundo os veciños atopábase a capela de San Adrián, aos pés da fortificación, e ao seu carón pasaba un antigo camiño que une a aldea de Froxán en Corme coa do Couto en Ponteceso, o “camiño das pescas”. Entre as estruturas máis interesante sería a que semella ser a base dunha edificación similar a un torreón.
O recinto está catalogado como referencia arqueolóxica no PXOM de Ponteceso do ano 2015. A segunda imaxe da ficha é un lidar do CDIX. (Xunta de Galicia)


Fotogrametría:

Propiedade: Descoñecida
Uso actual: Forestal
Código no Catálogo da Xunta: REF15068016
Categoría do Ben: Inventariado (Inventario de Bens Patrimoniais da Xunta
Elementos mobles:
Tradición oral:

Dende alí, din os veciños, os “católicos” pelexaban contra os “herexes”.

Nun contexto próximo a este asentamento estaría a Illa da Estrela, con antigos enterramentos e unha capela que fora construída enriba dun castro, hoxe desaparecida. Aínda hoxe, o luns de pascua, se celebra a Romaría da Estrela en Corme-Aldea. Tamén estaría a enigmática Serpe de Gondomil, unha gran serpe tallada en relevo nunha rocha na que se levanta un cruceiro, a tan só 800 metros en liña recta de San Adrián Vello, que ao mellor tería algo que ver coa advocación da parroquia a este santo que salvaba a xente da invasións de serpes.
O asentamento, segundo outra lenda, fora feito para salvar e refuxiar no alto do monte a poboación que era honrada e boa dun diluvio de area moi fina a ía cubrir e asolagar completamente o val para matar aos que levaban unha vida disipada roubando e matando como piratas, sen temor ao seu deus antigo.
Ver máis en http://www.jrvarela.net/costa%20muerte%20genuina.htm


Historia recente do ben:
Referencias bibliográficas:

http://www.ponteceso.net/PXOM/PXOM2015/961_DAP_TV_CATALOGO%20PATRIMONIO.pdf
pax, 354 do pdf


Afeccións

Ten camiño de acceso?: Si
Está cuberto de maleza: Si
Está afectado por algunha obra: Non
Estado de conservación: Malo
Atópase en perigo nestes momentos?:

Onde está localizado

Latitude: 43.2630968741
Lonxitude: -8.93250703812
Empregamos o sistema de coordenadas WGS84