Outra fotografía:

Tipo de ben: Vivenda singular,
Concello: A Coruña
Parroquia: A Coruña
Lugar: Rúa Damas, Cidade Vella
Outra denominación do ben:
Cronoloxía: Idade Moderna (XVI-XVIII),
Descrición:

Esta casa pertenceu a Don Diego Cornide, pai de Don José Cornide Saavedra e Folgueira, un dos ilustrados coruñeses, nado en 1734. José Cornide asesorou, entre outras obras, as reformas da Torre de Hércules e da Porta de Aires.

É un exemplo das mansións aristocráticas situada na Cidade Alta, que se caracteriza por unha boa situación urbana, a calidade da súa construcción e o coidado deseño da fachada, de gusto francés, presidida polo escudo familiar. O edificio foi construído polo arquitecto municipal Antonio Fontenla baixo a dirección do enxeñeiro Francisco Llovet.

É unha casa-pazo urbana, realizada en cantería labrada de perpíaños. A planta central presenta un balcón voado no centro con tres portas balcón. A ambolosdous lados do balcón ábrense dous vans con antepeitos de ferro decorados co mesmo motivo có balcón. Estes antepeitos e a varanda de ferro do balcón son de estilo rococo.

Na planta baixa destacan as molduras barrocas da porta con orelleiras e placas no centro. A fachada remátase cunha cornixa voada que se rompe no centro pra acoller o escudo.


Fotogrametría:

Propiedade: Privada
Uso actual: Residencial
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

– SORALUCE BLOND, J.R.; FERNANDEZ FERNANDEZ, X.: «Arquitectura da provincia da Coruña, A Coruña», Volumen VI, Deputación Provincial da Coruña, 1997.


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Moi bo
Atópase en perigo nestes momentos?:

Onde está localizado

Latitude: 43.37079883279794
Lonxitude: -8.393142968416214
Empregamos o sistema de coordenadas WGS84