Outra fotografía:

Tipo de ben: Ermida,
Concello: Barbanza (comarca) / Rianxo
Parroquia: O Araño (Santa Baia)
Lugar: A Ermida, Buía.
Outra denominación do ben:
Cronoloxía: Idade Moderna (XVI-XVIII),
Descrición:

Pequena capela situada ao suroeste do núcleo de A Ermida, pertencente na súa orixe ao conxunto do Pazo dos Caamaño.
É unha ermida de construción sinxela, de planta rectangular resolta con muros de cachotería de pedra e cuberta a dúas augas de tella sobre estrutura de madeira.
Fachada principal con porta alintelada e espadana dun só corpo coroada cunha cruz. Ten un segundo acceso na fachada
lateral, mediante unha porta de características similares.
Pequeno soportal con cuberta a dúas augas de tella sobre pilastras de granito dando fronte á rúa e altariño nun lateral onde se pode ver na pedra que o soporta o que poden ser os restos dunha cruz de calvario.
No seu interior ten un retablo de tres corpos de madeira de estilo probablemente barroco, no que están San Francisco, San Xoán no centro e San Roque. Este retablo atópase no interior do que debeu ser a anterior ermida de proporcións minúsculas que posteriormente foi ampliada ate as medidas actuais.


Fotogrametría:

Propiedade: Pública
Uso actual: Outros
Código no Catálogo da Xunta: RI.000011341
Categoría do Ben: Inventariado (Inventario de Bens Patrimoniais da Xunta Catalogado (Catálogo da Xunta e dos PXOM)
Elementos mobles:

Retablo de tres corpos de madeira.
Figuras de San Antonio, San Xoán, San Roque, Santa Rita, e San Domingos.
A “Ara do Santo”, unha lousa de mármore cadrada de vinte centímetros de lado e dous de ancho que contén a “reliquia”.


Tradición oral:

Contan que o santo non apareceu na Ermida senón na fonte de San Xoán en Foxacos e que un home da Ermida a trouxo para aquí.. Tamén nos conta a señora Mari Carmen que nun costado da Capela están enterrados uns ” anxeliños ” nenos que non foron bautizados. Os veciños son quen sacan o santo en procesión ata o cruceiro que esta mais abaixo da Capela, e un ano un cura que viñera a cabalo pois era o seu medio de locomoción, non quixo quedarse á procesión, o cabalo tirouno caendo o equino ao chan e non levantándose ate que o santo non entrou na capela. Tamén nos din que un ano que houbera moita seca, levaron o santo á ponte que está ao lado do muíño de Quintáns e metéronlle os pés no río, cando empezaron a subir o camiño de volta xa empezou a chover, din tamén que por este camiño pasaba moi “a miúdo” a Santa Compaña.
No arquivo parroquial do Araño, atopábase o libro mais antigo de todas as parroquias do Arciprestado de PONTE BELUSO en canto a Confrarías, pertencente á Confraría de San Juan Bautista (1626-1690).Confraría de San Juan, fundada en Buía en 1625. Na Ordenanzas especificaron que na festa de San Juan “que es a veynte y quatro de junio, sea el dia prinçipal de la dicha Cofradia y perpetuamente. El dicho dia se celebre la fiesta y se diga misa cantada en la dicha hermita, para lo qual a de aber tres clerigos presbiteros de misa que los dos la ayuden a benefiçiar con el Retor de la fabrica que la a de dezir o otro en su lugar y a los dichos clerigos se les aya de dar y de de limosna tres rreales a cada uno y de comer. Y el mayordomo y bicario de la dicha cofradia den la cera que tubiere la cofradia para que se sirba a la misa y ofiçios dibinos y se de a los cofrades. Y salga la ymagen del Glorioso Santo en proseçion enderredor de la hermita…”.Os confrades instituíron entre eles unha “comida” (ou “pitança”), que comezaría despois da procesión, que era celebrada con certa algarabía: asistía un gaiteiro (“que vino a rregozigar la fiesta”, 1659), acompañado ás veces por un “tanburilero”(1692); houbo un ano (1655) que participaron uns “danzadores”. Os ingredientes da comida non variaron ao longo dos anos: viño, unha vaca, tres galiñas, un carneiro, un castrón e pan (os coiros e sebo eran vendidos).


Historia recente do ben:
Referencias bibliográficas:

BIBLIOGRAFÍA
Libro da Confraría de San Juan Bautista (1626-1690).

ENLACES WEB
PXOM de Rianxo:
ftp://ftp.concelloderianxo.es/PXOM_RIANXO_2014_05/3_ORDENACION_3_CATALOGO_4_PAXS_300_321_ARQUITECTURA_RELIXIOSA.pdf (Pax. 3)
http://inventariopatrimoniocultural.xunta.es/


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Moi bo
Atópase en perigo nestes momentos?:

Onde está localizado

Latitude: 42.7054473971
Lonxitude: -8.77032458782
Empregamos o sistema de coordenadas WGS84