Outra fotografía:
Tipo de ben: Cruceiro,
Concello: O Carballiño
Parroquia: Longoseiro (Santa Mariña)
Lugar: Ponterriza
Outra denominación do ben:
Cronoloxía: Época Baixomedieval,
Descrición:
O máis interesante deste cruceiro atópase na súa base, xa que se non fose por ela podería pasar desapercibido como outro cruceiro máis.
Aséntase sobre dous escalóns e enriba dos mesmos hai dúas pezas cadradas con distintos releves de moi bela factura.
No centro hai un gravado que representa catro figuras, dúas grandes nos lados e dúas pequenas no centro. Segundo algunhas interpretacións quere amosar unha representación das clases sociais na época medieval.
A figura da esquerda simbolizaría o nobre, co símbolo da seguridade (o castelo) e a protección celestial (a palma).
A figura da dereita simboliza o poder clerical, co símbolo do libro (probablemente a Biblia) nas mans.
E as dúas pequenas figuras do centro simbolizan os vasalos, que lle dan a man ás dúas figuras grandes querendo significar que o seu cometido sexa obedecer e servir as dúas clases principais.
Unha maneira clara de adoutrinar a poboación analfabeta da idade media.
Sobre este gravado sitúase outra pedra de menor tamaño con dúas representacións nos laterais. Unha amosa unha serpe (posiblemente aludindo a luxuria) e a outra unha especie de báculo, aínda que non está moi claro que quere significar.
Fotogrametría:
Propiedade: Pública
Uso actual: Sen uso
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Moi bo
Atópase en perigo nestes momentos?:
Onde está localizado
Latitude: 42.422147756688254Lonxitude: -8.115791827440262
Empregamos o sistema de coordenadas WGS84
Se estiveches nel, valora o estado deste Ben Cultural (é importante):
(Aínda sen valorar)
Loading...
4 comentarios
elixiovieites says:
Nov 10, 2011
A modo de información complementaria engadir a ficha do pxom do Carballiño.
http://www.planeamentourbanistico.xunta.es/siotuga/documentos/urbanismo/OCARBALLINO/documents/0429CA005.pdf
( páxina 2 de 11)
Oscar Franco says:
Xan 14, 2015
Seguindo o libro de Fernández de la Cigoña “Esmoleiros e petos de ánimas da provincia de Ourense”. Ed. IR INDO, 1998, a data da súa construción aparece inscrito sobre un medallón que pendura do teito da fornela:
“AÑO 1814”.
Posúe outra inscrición pola parte dianteira da base, hoxe ilexible,
al says:
Mai 7, 2015
O ano de construcción é moito máis antigo que o 1814
http://funjdiaz.net/folklore/07ficha.php?ID=1465
David Conde says:
Abr 3, 2017
Con todos os meus respectos por diante:
A base do cruceiro é, claramente, un “altar de Ánimas”, onde Santa Bárbara (coa palma do martirio nunha man e a torre na outra, símbolos da súa iconografía cristiá) e San Francisco (co hábito da súa orde e o libro que caracteriza moitas representacións iconográficas do santo) axudan ás ánimas a salvar o Purgatorio.
A interpretación das clases sociais sería correcta se “o noble” e “o clérigo” fosen do mesmo tamaño que as outras dúas figuras e estivensen no medio das chamas do Purgatorio, pero para este caso non é válida esa interpretación.
De feito obsérvase un traballo como de lapas de lume na metade inferior das figuriñas centrais.