Outra fotografía:

Tipo de ben: Fortificacións urbanas,
Concello: Ferrol / Ferrol (comarca)
Parroquia: Doniños (San Román)
Lugar: O Pieiro
Outra denominación do ben: Grupo de Costa Prioriño, Batería costera B-4 Lobateiras
Cronoloxía: Século XX,
Descrición:

O emprazamento forma parte do conxunto Grupo de Costa Prioriño, Batería costera B-4, xunto con outras baterias, antiaéreos, postos de mando e observación e unha base de proxectores. Foi o emprazamento para un canón Vickers mod. 1926 de calibre 38,1 cm. cunha lonxitude de tubo de 17,671 m. e 86 t. de peso capaz de disparar obuses a 35.100 m. cunha cadencia dun disparo por minuto.
No pozo, baixo terra, atópase a cámara de carga que a súa vez comunicaba coas salas de máquinas e almacéns. Todo iso protexido cunha coiraza de formigón. Este máis o seu xemelgo estaban vinculados a un posto de telemetría que enviaban os datos a central de tiro, mediante transmisores eléctricos, soterrada e con acceso subterráneo. Esta a súa vez daba os correspondentes datos ás pezas e orde de fogo.


Fotogrametría:

Propiedade: Descoñecida
Uso actual: Sen uso
Código no Catálogo da Xunta:
Categoría do Ben: Non está inventariado
Elementos mobles:
Tradición oral:
Historia recente do ben:

Durante o goberno de Primo de Rivera, fíxose patente modernizar o sistema defensivo de costa para protexer o arsenal de Ferrol. Por mor disto, deseñouse a aprobouse un plan de defensa costeiro en xullo de 1926 con catro puntos fortes en Campelo, Prior, Prioriño e San Pedro, con canóns de 381 mm. con alcance de 35 km., acompañados por outras baterías de 15 cm. para defensa de preto contra embarcacións menores; baterías antiaéreas, un adianto para época; e bases de proxectores para iluminar o mar durante a noite con proxectores de 90 cm. e de 150 cm. capaces de iluminar o mar a unha distancia de 5km. convertendo a costa de Ferrol nunha das posicións máis e mellor artilladas do mundo, inda que estas instalacións pronto quedaron obsoletas coa chegada da Segunda Guerra Mundial e a carreira armamentística que ela supuso, sobre todo en aviación.
A maioría destas bases foron abandonadas durante os anos 80 e os seus canóns desarticulados, vendidos como chatarra, a excepción da batería de Monte de San Pedro. No ano 2015 parte destas instalacións foron compradas polo concello de Ferrol sendo o seu futuro inda incerto.


Referencias bibliográficas:

Molina Franco, Lucas. “Los Cañones de Coruña: Un recorrido histórico y turístico por las defensas costeras del norte de Galicia”. Quirón Ediciones. O Ferrol, 2004.

Molina Franco, Lucas; Vázquez García, Juan e López Hermida, Jose “La Costa Inexpugnable, Las Defensas de la Base Naval de Ferrol-Coruña desde el Siglo XVII hasta nuestros días”. Valladolid. Quirón, 2002.


Afeccións

Ten camiño de acceso?: Si
Está cuberto de maleza: Si
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.4739950229
Lonxitude: -8.32604885101
Empregamos o sistema de coordenadas WGS84