Outra fotografía:

Tipo de ben: Igrexa,
Concello: Outeiro de Rei
Parroquia: Francos (Santiago)
Lugar: Francos
Outra denominación do ben:
Cronoloxía: Época Baixomedieval,
Descrición:

É unha das igrexas máis antigas do concello (en documentos medievais xa se fai referencia á de Francos). Da súa obra románica conserva o trazado orixinal da planta e toda a estrutura da cabeceira, incluído o arco triunfal e senllos capiteis no seu interior, a ábsida, semicircular, máis estreito e de menor altura, precedido dun tramo recto que corresponde á zona do presbiterio, cuberto con bóveda de canón un pouco apuntado. Á beira norte da devandita ábsida uniuse modernamente a sancristía.
O aparello da fábrica é de boa sillería cortada coa mesma altura e perfectamente escuadrada, disposta en fiadas horizontais a soga e tizón, outorgándolle así un gran efecto de uniformidade a todo o conxunto. A nave da igrexa foi reconstruída na súa totalidade xa en época moderna. Posúe ambos os flancos totalmente cegos.
As dúas portas, oeste e sur, que dan acceso á igrexa, son moi simples. Non parecen nin tan sequera medievais. Unha presenta arco apuntado, cuxas dovelas posúen a aresta en forma de baquetilla que se prolonga polas xambas do muro. E a outra, pola súa banda, atópase no centro do hastial, totalmente reconstruído. Sobre el levántase unha espadana, de estilo barroco, formada por tres corpos, o intermedio con dobre troneira, e no alto coroada por tres pináculos.
No seu interior, o chan está realizado a base de grandes laxas graníticas ben encaixadas. Un zócalo alza levemente a zona do presbiterio, distinguindo desta maneira os dous ámbitos do templo: o da nave, destinada aos fieis, do altar maior, reservado ao clero.
A igrexa de Santiago de Francos é unha obra que se inscribe xa no período tardorrománico. A pensar niso lévanos principalmente a directriz que mostra o arco triunfal co seu marcado apuntamento con relación ao arco faixón de medio punto, cuxa tendencia adoitan adoptar unicamente edificios de época tardía. E tamén os canzorriños en proa son un elemento máis que vén demostrar a súa cronoloxía avanzada, o que permite pensar que a súa construción debeuse de culminar cara aos anos 1220-1225.


Fotogrametría:

Propiedade: Privada
Uso actual: Outros
Código no Catálogo da Xunta:
Categoría do Ben: Dato descoñecido
Elementos mobles:
Tradición oral:
Historia recente do ben:
Referencias bibliográficas:

– IRS. A igrexa de Francos. Románicodigital.com.
– Panel sinaléptico do lugar.


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.105375446595
Lonxitude: -7.6691302657127
Empregamos o sistema de coordenadas WGS84