Outra fotografía:

Tipo de ben: Vivenda singular,
Concello: Ponteareas
Parroquia: Ponteareas (San Miguel)
Lugar: O Paseo Matutino, 16
Outra denominación do ben:
Cronoloxía: Século XX,
Descrición:

A Casa Ferro, proxectada polo arquitecto Xosé Bar Bóo e construída en 1962 é un dos primeiros exemplos constructivos das correntes arquitectónicas que, a comezos da década de 1960, chegaban desde os Estados Unidos como revisión crítica da modernidade ortodoxa. Estas influencias veñen especialmente das obras de Frank Lloyd Wright e Marcel Breuer.

A vivenda caracterízase polo emprego de muros de granito gris dispostos en pastas horizontais, que conforman unha caixa pétrea sobre a que destacan os volumes enfuscados e pintados de branco da planta alta. A construción combina a pesadez visual da base pétrea e a lixeireza dos volumes superiores, reforzando a expresividade plástica do conxunto.

A maior parte da vivenda desenvólvese na planta alta, organizada en tres franxas paralelas. A primeira alberga a escaleira, o porche, o despacho, a cociña e o dormitorio de servizo; a segunda acolle os espazos de comedor e sala de estar; e a terceira concentra os dormitorios e os baños.

A edificación intégrase no seu contorno mediante un xardín que envolve a construción e contribúe á relación entre arquitectura e paisaxe, un aspecto especialmente relevante na obra residencial de Bar Bóo.

En 1977, o propio arquitecto proxectou unha ampliación consistente na incorporación dunha gran cuberta metálica a catro augas que, a modo de paraugas, pasa a cubrir completamente a vivenda. Esta intervención modificou significativamente a imaxe orixinal do edificio, aínda que foi concibida polo propio autor como unha evolución da obra e das súas condicións de habitabilidade.


Fotogrametría:

Propiedade: Privada
Uso actual: Residencial
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

REFERENCIAS WEB
https://siotuga.xunta.gal/siotuga/documentos/urbanismo/PONTEAREAS/documents/28344ca219.pdf (ficha 14.01 // páxina 157)
https://docomomoiberico.com/edificios/vivienda-unifamiliar-ferro/

Casa Ferro


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Moi bo
Atópase en perigo nestes momentos?:

Onde está localizado

Latitude: 42.173890067396
Lonxitude: -8.4997090993554
Empregamos o sistema de coordenadas WGS84