Igrexa de San Xoán de Vide

Engado algo mais de informacion sobre esta parroquia:
A freguesía de San Xoán de Vide era no ano 1487 (BCMO, núm.107,p.47) do
padroádego dos Soutelo e Salgado, que levaban “por fuerza” un xantar de 300
mrs.
Aquí nace no ano 1825 o Dr. Don Joxé Mª Martínez Pazos, seu pai Francisco
Martínez de Vide, e a nai Bernarda de Pazos, de Brandín, Baños de Molgas.
Comeza os estudos na preceptoría do veciño Santuario dos Milagres. Foi abade
de Arnuíde, a Sma. Trindade de Ourense, e Vide ó mesmo tempo ca administrador
do Santuario.
Foi quen no ano 1869 entregou esa administración ós PP. Paúles, marchando
seguidamente a Santiago coma coengo da catedral. Escribiu a primeira Historia do
Santuario e 2 tomos de sermos. Testou en Maceda no ano 1885, sendo albacea Don
Antonio López Ferreiro; en 5-6-1896 engade un codicilo legando a súa herencia
para unha beca no Santuario coa que puideron comezar os estudos varios
candidatos da veciñanza. Morreu o 19-8-1897.
A Vide pertence o lugar de Froufe (villa Freodulfi); no barrio de Aldea de
Baixo sinálase a Casa do Coengo, onde morou Don Francisco Martínez Pazos, e
quixo que fose o seu soar, aínda que irregularmente constituído, o mesmo cá o
seu escudo.
No formal frontal da casa vese un escudo partido e cortado, sen bordura nin
cimeira; no 1º cuartel 5 flores de lis en sotuer de Martínez; 2º seis roeles;
3º dous dragós acaroados; 4º árbore con lobo pasante ó pé. No escudo o
mote: DECA AVANTE Copia mormente do escudo dos Deza de Erbedelo. Nº 24
Outro escudo hai sobre a bóveda dunha fonte arcada cercana, das chamadas de
mergullo, igual cá o anterior.

Información: Elixio Rivas Quintas – Estudios de genealogía, heráldica y
nobiliaria de Galicia.