Outra fotografía:

Tipo de ben: Castelo,
Concello: Ancares (comarca) / As Nogais
Parroquia: Torés
Lugar: Torés
Outra denominación do ben:
Cronoloxía: Época Baixomedieval,
Descrición:

Aínda que hai quen conxectura que o castelo medieval foi erixido sobre un primitivo asentamento castrexo ou unha torre de orixe romana ou altomedieval, a verdade é que non existen referencias escritas nin arqueolóxicas. Sen embargo, varios autores fan alusión a uns señores de Torés, entre outros Fr. Xerónimo Pardo na súa “Historia del Apóstol Santiago”. Desta antiga linaxe fala tamén, no ano 755, Servando, bispo de Ourense. O licenciado Molina, ao referirse ao castelo, fala de que os Ribadeneira proveñen dun infante galego que foi irmán da lendaria raíña Lupa que, segundo a lenda, mandou construír o castelo, logo de se converter ao cristianismo e para conmemorar o prodixio, como “totem” aos touros que nun carro transportaron o corpo do Apóstolo Santiago. O suposto primeiro señor do castelo sería un tal Lobo Leberio, fillo dun romano, Loberio Ribano, e da raíña Lupa. Outro señor de Torés, a principios do século VIII, sería Diego Bolaño que defendeu a cidade de Lugo. Vázquez Seijas, en “Fortalezas de Lugo y su provincia” (1955), achega unha longa listaxe dos propietarios do castelo que ocuparon diversos cargos durante o reinado de varios reis. O primeiro nobre documentado a mediados do século XV é Álvaro González de Ribadeneira a quen lle foron confiscados os seus bens, a fortaleza entre eles, despois da execución do mariscal Pardo de Cela en Mondoñedo. No ano 1507, a familia dos Ribadeneira mercáronno de novo. O Interrogatorio do “Catastro de Ensenada” (1752-1753) fala da marquesa de Torés. Na actualidade pertence á casa de Medinaceli que recentemente asinou un convenio co Concello para cedérllelo durante vinte e cinco anos. Na actualidade só se conserva unha torre ameada de planta cadrada, duns dez metros de lado e dezaoito de alto, distribuída en tres andares e soto. O arruinado castelo, comido pola vexetación, tivo outras dúas torres unidas ás murallas. No mes de xaneiro de 2013 comezaron os traballos de limpeza da torre e do acondicionamento da contorna para facela visitable.


Fotogrametría:

Propiedade: Privada
Uso actual: Sen uso
Código no Catálogo da Xunta:
Categoría do Ben: Inventariado (Inventario de Bens Patrimoniais da Xunta
Elementos mobles:
Tradición oral:
Historia recente do ben:
Referencias bibliográficas:

Vázquez Seijas: “Fortalezas de Lugo y su provincia”
http://onosopatrimonio.blogspot.com.es/2011/07/castelos-de-galiza.html
http://arqueoloxiadosancares.blogspot.com.es/2011/01/toponimia-do-concello-das-nogais.html


Afeccións

Ten camiño de acceso?: Si
Está cuberto de maleza: Si
Está afectado por algunha obra: Non
Estado de conservación: Malo
Atópase en perigo nestes momentos?:

Onde está localizado

Latitude: 42.78951162873725
Lonxitude: -7.161927223205566
Empregamos o sistema de coordenadas WGS84