Outra fotografía:
Tipo de ben: Igrexa,
Concello: Sober
Parroquia: Lobios (San Xillao)
Lugar: Lobios
Outra denominación do ben:
Cronoloxía: Época Baixomedieval,
Descrición:
Igrexa vencellada a un mosteiro bieito desaparecido. Trátase dun templo románico do século XIII con elementos que mostran a transición ao estilo oxival. Nave con bóveda de canón apuntado no testeiro e cabeceira con bóveda de cruzaría. A portada é abucinada, con arco de medio punto con catro arquivoltas decoradas con rosetas e bólas, os capiteis presentan motivos vexetais. A ábsida é rectangular, dividida en dous tramos por dúas columnas con capiteis entrenzados. Espadana con dous van de estilo barroco. No interior ten un tramo cuberto con bóveda nervada que se apoia en columnas con capiteis con símbolos, adornados con pinturas, dos catro evanxelistas: anxo, touro, león e aguia. Interesantes pinturas decoran os muros. O entorno, moi humanizado por vivendas, fai moi difícil unha visión completa do templo.
Fotogrametría:
Propiedade: Pública
Uso actual: Outros
Código no Catálogo da Xunta:
Categoría do Ben: Inventariado (Inventario de Bens Patrimoniais da Xunta Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:
http://onosopatrimonio.blogspot.com.es/2011/07/mosteiros-de-galiza.html
http://www.planeamentourbanistico.xunta.es/mapes/SOBER/documents/27182CA222.pdf
Afeccións
Ten camiño de acceso?: SiEstá cuberto de maleza: Non
Está afectado por algunha obra: Si
Estado de conservación: Bo
Atópase en perigo nestes momentos?:
Onde está localizado
Latitude: 42.408030010717866Lonxitude: -7.531471252441406
Empregamos o sistema de coordenadas WGS84
Se estiveches nel, valora o estado deste Ben Cultural (é importante):
(1 votos)
Loading...
3 comentarios
Oscar Franco says:
Mai 28, 2013
Engado esta lenda:
Xa hai moito disto. Unha moza de Lobios, Sober (Lugo), rouboulle un cáliz de ouro a unha moura que o tiña a asollar, seguramente no Alto da Mota.
A moura transformouse en serpe e botou tras da rapaza. A pobre nena, co medo, mexou por riba dela e deixou as pegadas dos ouriños sobre uns penedos en Vilaronte.
A moura case a pilla. Menos mal que a pícara ao pasar por diante da capela dedica á Raíña dos Anxos, tirou o cáliz para dentro do edifico e berrou:
—¡Que a Raíña dos Anxos me valla!
Ao que respondeu a moura:
—¡A boa madriña te encomendaches!
Nese preciso momento, a serpe retomou a figura de moura e desapareceu.
O cáliz seica estivo na igrexa, coñecíase que o era porque se lle vía o bocho do toupetazo que dera contra o chan cando a nena o tirara dentro da igrexa. Ese cáliz parece que o vendeu o crego e que o sustituiu por unha imitación que non enganou ós veciños.
Desta lenda hai variantes que, en vez dun cáliz, falan dunha cadea de ouro, e en vez de ser unha nena a protagonista, puidera ser un home. E mesmo non hai acordo en se a moura se transformou ou non en serpe. Tamén se di que as vacas que pasan por enriba da laxa onde mexou a moza vense forzadas a mexar alí tamén.
Oscar Franco says:
Xuñ 26, 2020
A prensa dixital do 23 de xuño de 2020 fala da adxudicación de 70.000 euros para a restauración das pinturas renacentistas desta igrexa:
https://www.creandotuprovincia.es/restauracion-pinturas-san-xillao-lobios-sober.htm
https://www.lavozdegalicia.es/noticia/lemos/sober/2020/06/24/cultura-restaura-pinturas-renacentistas-iglesia-lobios-sober/00031592992352149657402.htm
Oscar Franco says:
Out 30, 2020
A prensa dixital do 29 de outubro de 2020 fala do proceso de restauración das pinturas murais desta igrexa:
https://www.lavozdegalicia.es/noticia/lemos/sober/2020/10/29/pinturas-renacentistas-lobios-empiezan-salir-nuevo-luz/00031603967990601464979.htm?fbclid=IwAR0rMvU2YhJw0dBqYGJHmtDs36R40JZxiK59QffQZhphnc7Knyu964Lurt8