Outra fotografía:

Tipo de ben: Cruceiro,
Concello: Ribadumia
Parroquia: Besomaño (Santa María)
Lugar: Rúa Bouza
Outra denominación do ben:
Cronoloxía: Idade Moderna (XVI-XVIII),
Descrición:

Situado no desnivel a carón da rúa Bouzas, presenta unha base medio soterrada de cinco chanzos cun pedestal achafranado na parte superior.

O varal cilíndrico, máis estreito na súa parte superior, presenta un peto case plano cun relevo no interior moi erosionado da crucifixión, e catro figuras, tres na parte frontal e dúas nos laterais, das que se identificou a San Xosé, na fronte, e San Antonio de Padua, na beira esquerda. No remate obsérvase unha fisura da pedra con rotura.

O Capitel é de orde composta con cabezas de anxos alados entre as volutas. Posúe unha grampa metálica que o une ao varal.

Cruz é de sección rectangular con remates agrandados. A destacar o nivel de detalle nas figuras da cruz: presenta no anverso cartela de INRI e cristo moi exento, case que no aire; polo reverso, a Virxe sobre tres cabezas de anxos, coroada por dous anxos cuxos corpos van paralelos aos brazos da cruz. A Virxe porta en brazos o neno Xesús tamén con coroa.


Fotogrametría:

Propiedade: Pública
Uso actual: Equipamento
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Malo
Atópase en perigo nestes momentos?:

Compre unha restauración preventiva para asegurar a sustentación da cruz. O varal e o capitel está unidos por unha grampa de ferro dunha intervención anterior. Así mesmo obsérvase unha fisura na pedra no remate do varal con perda de volume.


Onde está localizado

Latitude: 42.51756214637539
Lonxitude: -8.737706243991852
Empregamos o sistema de coordenadas WGS84