Outra fotografía:

Tipo de ben: Castro / Outros xacementos da Idade do Ferro,
Concello: A Barcala (comarca) / Negreira
Parroquia: Covas. Santa María
Lugar: Triáns- O Cancelo
Outra denominación do ben:
Cronoloxía: Idade do Ferro,
Descrición:

Este castro vén recollido no Libro “ O hábitat castrexo no Val de Barcala, Amaia e o Val do Dubra” de Xerardo Agrafoxo , co nome de Castro de Covas, por ser esta a parroquia a que pertencen as aldeas de Triáns e O Cancelo e que son as que están máis cerca do castro. O PXOM de Negreira recólleo como “O Cotón do Castro”. Está nun pequeno outeiro que se ergue sobre as terras derredor e que está na liña divisoria dos concellos de Negreira e A Baña. Ten forma circular e mostra boas pendentes pola zona do sur e poñente. Polo leste e norte as pendentes son menos acusadas e só collen relevo nos puntos próximos ao recinto. Amosa un amplo control do territorio e está rodeado de boas terras de labor. O estado da croa está profundamente alterado polas labores agrícolas e non permite ver as súas defensas que se supón que estarían en forma de terrapléns. Obsérvase unha plataforma circular pola zona sur que é o lugar empregado para acceder a coroa. A nova estrada de circunvalación de Negreira pasoulle a 150 m. polo norte, como se pode apreciar na ortofoto do Sigpac e no plano de situación.


Fotogrametría:

Propiedade: Privada
Uso actual: Agrícola
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

http://www.planeamentourbanistico.xunta.es/mapes/NEGREIRA/documents/0245CA003.pdf (pax 16 de 26)
Agrafoxo Pérez, Xerardo. O hábitat castrexo no Val de Barcala, Amaía e o Val do Dubra . Ed.Sementeira. S.A. Noia. ISBN 84-87848-02-8. Ano 1992, (pax. 48)


Afeccións

Ten camiño de acceso?: Si
Está cuberto de maleza: Si
Está afectado por algunha obra: Non
Estado de conservación: Malo
Atópase en perigo nestes momentos?:

Onde está localizado

Latitude: 42.92451886547392
Lonxitude: -8.747048377990723
Empregamos o sistema de coordenadas WGS84