
Outra fotografía:
Tipo de ben: Monumento megalítico (túmulo, dolmen, pedrafita...),
Concello: Marín
Parroquia: Piñeiro (Santomé)
Lugar: Chan de Armada
Outra denominación do ben:
Cronoloxía: Neolítico, Calcolítico,
Descrición:
As mámoas de Chan de Armada están situadas na portela que separa o Monte Gagán do de Cotorredondo, entre os lugares do Pereiro en Marín, e Sobreira en Vilaboa, xusto a carón do límite entre os dous concellos.
O primeiro dos túmulos está situado no cruce da estrada CF-401 de Cruz da Maceira a Castiñeiras, coa estrada de Cadrelo e Pereiro a Domaio, xusto a man dereita baixando cara Sobreira.
O túmulo ten uns 10 metros de diámetro, e conserva unha cámara funeraria de pranta poligonal, de dous metros de diámetro aproximadamente, composta de nove esteos de pedra, cun corredor orientado ao leste delimitado con outros tres chantos a cada lado, e cunha lonxitude aproximada de 2’5 metros. Non conserva a cuberta. Hai unha gran lousa a carón que foi utilizada hai anos para “reconstruílo”, aínda que se ignora se é a orixinal. Hoxe esta lousa está desprazada.
Fotogrametría:
Propiedade: Comunal
Uso actual: Forestal
Código no Catálogo da Xunta: GA36026007
Categoría do Ben: Inventariado (Inventario de Bens Patrimoniais da Xunta
Elementos mobles:
A mámoa foi escavada e estudada por Ramón Sobrino Lorenzo-Ruza en 1957, e posteriormente por Antonio de la Peña e Antonio Rodríguez Casal en 1975. Nas escavacións, atopáronse catorce puntas de frecha , dúas láminas de sílex, dúas machadas, catro bólas de pedras e arxila, un percutor, e varios anacos de cerámica e ocre.
Tradición oral:
Historia recente do ben:
Referencias bibliográficas:
SOBRINO LORENZO-RUZA, Ramón. “Prospecciones arqueológicas en Morrazo”. El Museo de Pontevedra. Pontevedra. 1956.
Afeccións
Ten camiño de acceso?: SiEstá cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:
A cámara foi reconstruída, e o entorno pechado cun valo de madeira, aínda que non hai sinalización de ningún tipo. A pequena explanada a carón é usada para amorear madeira cortada, co conseguinte paso de tratores e camións pesados.
O túmulo foi obxecto de ataques vandálicos por grafiteiros incívicos, que deixaron a súa sinatura pintada con aerosol no interior da anta.
Onde está localizado
Latitude: 42.34713052707448Lonxitude: -8.688662052154541
Empregamos o sistema de coordenadas WGS84
2 comentarios
Manuel Gago says:
Set 3, 2011
Magnífica a pintura “rupestre” que lle meteron a un dos ortostatos.
Alex says:
Set 5, 2011
Seguro que foi feita por unha persoa de gran cultura que agora mesmo está enchendo o baúl do patrimonio galego XD