Outra fotografía:

Tipo de ben: Igrexa,
Concello: Camariñas
Parroquia: Santa Mariña de Tosto
Lugar: Santa Mariña
Outra denominación do ben:
Cronoloxía: Época Altomedieval,
Descrición:

Onde hoxe está situado a pequena capela e o campo da festa, os eremitas benedictinos fundaron o mosteiro de Santa Mariña de Tosto que foi obxecto de múltiples saqueos por parte de piratas e normandos que se infiltraban pola costa, non quedando na actualidade vestixio dese pasado. Un dos primeiros documentos conservados que fai referencia ás terras da Costa da Morte é unha rica doazón a favor do mosteiro de Santa Mariña de Tosto (Xaviña – Camariñas), datado no ano 1046. O cronista benedictino fray A. de Yepes afirmaba a inicios do século XVII que este mosteiro era moi antigo, posiblemente de principios do século X, e que debido á súa riqueza, fora saqueado en varias ocasións, en parte, pola súa proximidade á costa. No último cuarto do século X o mosteiro foi restaurado como priorato do mosteiro compostelán de San Paio de Antealtares pero sería destruído de novo para voltar a ser reedificado a finais do século XII cando o abade de San Paio lle concede as terras que van desde San Simón de Nande (Laxe), San Martiño de Carantoña e San Cristovo de Carnés (Vimianzo) e San Pedro de Leis (Muxía) ata o mar, dándolle tamén para o seu sustento as rendas do coto de Moraime (Muxía). No século XVII, arruinados os claustros, tan só quedaba en pé a igrexa, da que hoxe só lle queda unha simple capela, quedando da fábrica románica o arco triunfal do seu interior.


Fotogrametría:

Propiedade: Privada
Uso actual: Outros
Código no Catálogo da Xunta: GA15016007
Categoría do Ben: Inventariado (Inventario de Bens Patrimoniais da Xunta
Elementos mobles:
Tradición oral:

Hai unha fonte onde as súas milagreiras augas pódense conseguir pra cura-los males da cabeza.


Historia recente do ben:
Referencias bibliográficas:

– TROIANO CARRIL, X.: «Camariñas, Corazón da Costa da Morte», libro inédito pero inscrito no Rexistro da Propiedade Intelectual no 2007,2008 e 2009.
– YEPES, ANTONIO DE.: “Crónica General de la Orden de San Benito, Patriarca de religiosos”.


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.1827430124
Lonxitude: -9.12716567516
Empregamos o sistema de coordenadas WGS84