Outra fotografía:
Tipo de ben: Igrexa,
Concello: Pontevedra
Parroquia: Ponte Sampaio (Santa María)
Lugar: Acevedo
Outra denominación do ben: Capela de San Xosé de Largavista
Cronoloxía: Descoñecida,
Descrición:
A capela consta dunha edificación feita a base de perpiaño regular na fachada, e algo máis irregular no resto dos muros. Posúe planta rectangular con cuberta a dúas augas.
Na fachada principal destaca a súa porta de aceso alintelada. Por riba dela aparece unha inscrición que di: “ESTA CAPILLA (e) CASA ACEBEDO DATO(se) E(n) 1811 ARANLO COMO DIESTRO”.
Outra interpretación desta inscrición (Ver comentario de David Conde) di o seguinte:
“ESTA CAPILLA I CASA HIZO EL LICENCIADO DON ANTONIO FIGUEROA I ARAÚJO COMISARIO (ou COMENDADOR) DEL SANTO OFICIO”
Tamén podemos ver un pequeno escudo labrado en baixorrelevo cortado en dous no que se insiren seis roeles. Detrás do brasón disponse unha cruz da modalidade de Alcántara e Calatrava.
A fachada remata cunha espadana dun so oco e cunha cruz pétrea no alto.
No interior destaca unha fornela con repisa baixo arco conopial, cos bordes labrados en altorrelevo e coloreados cunha cor ocre escura. Na parte alta aparece unha pequena cruz latina sen figuración.
Nos días de festa dita fornela acolle unha imaxe do patrón.
A finais do século XIX a capela foi restaurada; segundo volve contar no comentario a esta ficha de David Conde, a súa tataraboa cantaba esta copra:
“Ai!Que cansadiña veño
de carrexa-la madeira
pra lle facer a capela
a San José da Landreira.”
A denominación de San Xosé de Largavista ven dada por ser este o nome das propiedades da capela.
Fotogrametría:
Propiedade: Comunal
Uso actual: Outros
Código no Catálogo da Xunta:
Categoría do Ben: Non está inventariado
Elementos mobles:
Tradición oral:
A tradición popular recolle que houbo un convento nese lugar, do que se aproveitaron as pedras para a construcción da actual vivenda (deshabitada e ruinosa) que se atopa de fronte da capela. Algo así tivo que suceder, pois aínda que non se menciona aquí, o recinto conta con dúas pías de lavadoiro labradas en bos porpiaños, unha fonte monumental con asentos corridos e un pombal. Asimesmo, a entrada monumental (algo arruínada) non é a propia dunha vivenda.
Historia recente do ben:
Referencias bibliográficas:
Reboreda Carreira, Alberte (Coord.),Dapena Sieiro, María, Lueiro, Xoán Ignacio, Faro Álvarez, Raquel.“Roteiro polo patrimonio de Ponte Sampaio” Concello de Pontevedra. 2008.
Afeccións
Ten camiño de acceso?: SiEstá cuberto de maleza: Si
Está afectado por algunha obra: Non
Estado de conservación: Regular
Atópase en perigo nestes momentos?:
Onde está localizado
Latitude: 42.3495499504Lonxitude: -8.59668508172
Empregamos o sistema de coordenadas WGS84
Se estiveches nel, valora o estado deste Ben Cultural (é importante):
(Aínda sen valorar)
Loading...
5 comentarios
David Conde says:
Ago 21, 2015
Coma toda a información incluída no citado “roteiro”, tamén esta está errada. No tocante á inscrición que figura no lintel non está ben interpretada. Pola miña parte, hai algúns anos, aconselleime co insigne paleógrafo José Ignacio Fernádez de Viana e Vieites, recentemente falecido, e a nosa interpretación da citada inscrición é:
ESTA CAPILLA I CASA HIZO EL LICENCIADO DON ANTONIO FIGUEROA I ARAÚJO COMISARIO (ou COMENDADOR) DEL SANTO OFICIO
En parte algunha se menciona a Acevedo, pois a capela está en terreo de Ponte Sampaio, non da aldea. En ningún lugar se menciona a data, sendo esta errónea e referíndose a unha restauración NON DOCUMENTADA que se efectuou no s. XIX, e da que, a dicir da miña bisavóa, cantaban a súa nai (a miña tataraboa) a seguinte copriña:
Ai!Que cansadiña veño
de carrexa-la madeira
pra lle facer a capela
a San José da Landreira.
O que indica o retellado da capela arredor de 1890 ou algo antes. Aínda que na peaña interior aparece gravada a denominación de “San José de Largavista”, non hai veciño que a coñeza por tal nome, senón polo de “San Xosé da Landreira” por ser este o nome das propiedades (e non do monte, como se afirma na entrada) que pertenceron á capela.
A tradición popular recolle que houbo un convento nese lugar, do que se aproveitaron as pedras para a construción da actual vivenda (deshabitada e ruinosa) que se atopa de fronte da capela. Algo así tivo que suceder, pois aínda que non se menciona aquí, o recinto conta con dúas pías de lavadoiro labradas en bos porpiaños, unha fonte monumental con asentos corridos e un pombal. Asimesmo, a entrada monumental (algo arruínada) non é a propia dunha vivenda.
Oscar Franco says:
Set 1, 2015
Moitas grazas DAVID CONDE polos teus apuntamentos nas diferentes fichas.
Fantástica información !!!
Unha aperta. Oscar Franco
Oscar Franco says:
Set 1, 2015
Moitas grazas DAVID CONDE polos teus fantásticos apuntamentos nas diferentes fichas.
Unha aperta. Óscar Franco.
DavidConde says:
Set 29, 2015
Moitas grazas a vos polo magnífico traballo que estades a facer tódolos días.
É un orgullo para min que haixa persoas coma vos interesadas polo noso patrimonio.
Un saudiño
David Piñeiro says:
Dec 19, 2024
Moitas grazas ós dous.
Estudando a miña árbore xenealóxica, atopeime cun antepasado meu que era patrono deste capela. Di que foi fundada en 1696 por Don Antonio Feixoo de Araujo, abade rector de Pontesampaio. Se queredes podo buscar máis información.
Saúdos.