
Outra fotografía:

Tipo de ben: Monumento megalítico (túmulo, dolmen, pedrafita...),
Concello: Terra de Soneira (comarca) / Vimianzo
Parroquia: Castrelo
Lugar: Vilaseco
Outra denominación do ben:
Cronoloxía: Neolítico,
Descrición:
Como adoita acontecer coas mámoas e as antas, a Arquiña de Vilaseco serve como separación entre dúas fincas. De feito, aproveitáronse algunhas das súas pedras para a construción do valado divisorio. A mámoa está situada nunha típica paisaxe megalítica con brañas e pequenos lombos topográficos, dominando a contorna, sobre todo cara ao oeste e ao norte onde adquire un maior tamaño, uns tres metros de altura. Chama a atención a gran dimensión do túmulo, de 37 metros de longo por 32 de ancho.
No interior, atopamos unha anta máis modesta para a o tamaño da mámoa. Estrutura clásica, con cámara poligonal e corredor desenvolvido cara ao leste. A falta dunha escavación en profundidade, consérvanse catro esteos da cámara, e aparece un do corredor ademais da propia tampa. Ben seguro que as súas pedras compañeiras están formando parte do muro divisorio das fincas. Con todo, o seu estado de conservación parecía bo, pola pouca profundidade do cono de violación.
En outubro do 2014 uns traballos de reforestación danaron tanto a mámoa como a anta.
É un dos seleccionados para formar parte do Parque Arqueolóxico do Megalitismo da Costa da Morte.
Fotogrametría:
Propiedade: Privada
Uso actual: Forestal
Código no Catálogo da Xunta: GA15092004
Categoría do Ben: Catalogado (Catálogo da Xunta e dos PXOM)
Elementos mobles:
Luis Monteagudo atopou un machado metálico na zona.
Tradición oral:
Historia recente do ben:
En outubro do 2014 uns traballos de reforestación para plantar eucaliptos feitos polos propietarios da finca onde se sitúa a anta, danaron o túmulo. Abriron sucos na mámoa e pasaron coas máquinas por riba do monumento, modificando a súa estrutura.
Referencias bibliográficas:
http://www.planeamentourbanistico.xunta.es/mapes/VIMIANZO/documents/0404CA003.pdf
Afeccións
Ten camiño de acceso?: NonEstá cuberto de maleza: Si
Está afectado por algunha obra: Si
Estado de conservación: Malo
Atópase en perigo nestes momentos?:
Os traballos forestais poñen en perigo o túmulo
Onde está localizado
Latitude: 43.0739429279Lonxitude: -9.07487332821
Empregamos o sistema de coordenadas WGS84
4 comentarios
Xose Troiano says:
Out 7, 2014
http://www.lavozdegalicia.es/noticia/carballo/2014/10/05/trabajos-forestales-danan-mamoa-arquina-vilaseco/0003_201410C5C1991.htm#.VDEN72D8T9Y.facebook
Manuel Rial says:
Out 13, 2014
Tito Concheiro fala do primeiro exame de danos despois dos estragos na mámoa. http://www.ivoox.com/o-concello-vimianzo-convocara-unha-reunion-informativa-audios-mp3_rf_3589536_1.html
Manuel Rial says:
Out 13, 2014
A foto principal é do 2011
Manuel Rial says:
Mar 5, 2016
Imaxe da Arquiña de Vilaseco en setembro de 2015