Outra fotografía:

Tipo de ben: Castelo,
Concello: Outeiro de Rei
Parroquia: Taboi (San Pedro)
Lugar: Taboi
Outra denominación do ben:
Cronoloxía: Época Baixomedieval,
Descrición:

Segundo escribe Ramón Boga na súa magnífica guía, a torre de Taboi sería o primitivo predio dos Saavedra, aos que pertenceu toda a terra de Parga.
Da torre-fortaleza só queda en pé a torre incompleta da Homenaxe: Amosa unha planta case cadrada de grosos muros. A un terzo de altura hai ou había unha única porta de acceso que corresponde á ponte levadiza desaparecida. A esta porta fáltanlle os seus sillares mostrando unha preocupante e alarmante derrube non moi lonxana. Nun dos paramentos, no máis alto, ábrese unha pequena xanela con lintel triangular de granito. Fáltalle o coroamento ameado, así como a bóveda que suxeitaba a terraza. Interiormente é seguro que se distribuiría a través de tres andares e soto, como parecen indicar as pegadas que quedan nos muros e que terán uns 15 metros de altura aproximadamente. O resto da construción é de cachotería pizarrosa.
En resumo, a torre áchase en estado ruinoso, con grandes gretas no lateral sur. O escudo principal áchase no Museo Provincial de Lugo e un segundo escudo áchase no pazo ou “casa da Torre” do lugar.


Fotogrametría:

Propiedade: Privada
Uso actual: Sen uso
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:

BOGA MOSCOSO, R.: “Guía dos castelos medievais de Galicia”. Edicións Xerais, 1ª edición, Xullo de 2003.
http://www.planeamentourbanistico.xunta.es/siotuga/documentos/urbanismo/OUTEIRODEREI/documents/0683CA001.PDF
http://onosopatrimonio.blogspot.com.es/2011/07/torres-medievais-de-outeiro-de-rei.html
http://www.outeiroderei.org/patrimonio.php?secc=pazos


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Moi malo
Atópase en perigo nestes momentos?:

Esta torre está moi arruinada e desmochada, sendo necesarios traballos urxentes de restauración para evitar a súa inminente desaparición.


Onde está localizado

Latitude: 43.1467496159
Lonxitude: -7.56876736879
Empregamos o sistema de coordenadas WGS84