Outra fotografía:

Tipo de ben: Cruceiro,
Concello: Bueu / Morrazo (comarca)
Parroquia: Bueu (San Martiño)
Lugar: O Valado
Outra denominación do ben:
Cronoloxía: Século XIX,
Descrición:

Cruceiro que nace sobre dous chanzos cadrados. A súa base cúbica posúe inscricións pouco lexibles polas súas catro caras nas que aparece o ano da súa feitura: “1850”.
O seu varal octogonal posúe relevos cos símbolos da Paixón, como o martelo, as tenaces, a escada, un látego e unha coroa de espiño.
A continuación o capitel, de estilo xónico, no que podemos ver caras de anxos en tres das súas caras, e unha caveira cos osos na última delas.
O conxunto remata nunha cruz florenzada na que podemos ver a imaxe da Virxe. Tamén tiña unha imaxe de Cristo crucificado que caeu da cruz fai tempo.

Ao carón do cruceiro podemos ver un pousadoiro que tamén posúe inscrición. hoxe ilexibles.

Os cruceiros e petos de ánimas de máis de 100 anos están protexidos polo Decreto 571/1963, de 14 de marzo, “sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico”; ademais, teñen a consideración de Bens de Interese Cultural (BIC) segundo o establecido na disposición adicional segunda da Lei 16/85 de 25 de xuño, do Patrimonio Histórico Español.
Asi mesmo o recoñece e garante a Lei 5/2016, do 4 de maio, do Patrimonio Cultural de Galicia, no que hórreos, cruceiros e petos de ánimas, “son bens de interese cultural e quedan sometidos ao réxime xurídico previsto para ese tipo de bens nesta lei, sen necesidade da tramitación previa do procedemento previsto no seu título I, os hórreos, os cruceiros e os petos de ánimas dos que existan evidencias que poidan confirmar a súa construción con anterioridade a 1901.
Os hórreos, cruceiros e petos de ánimas cuxa antigüidade non poida ser determinada ou que fosen construídos con posterioridade á data sinalada anteriormente poderán ser declarados de interese cultural ou catalogados cando se lles recoñeza un especial valor cultural, principalmente etnolóxico”.


Fotogrametría:

Propiedade: Pública
Uso actual: Outros
Código no Catálogo da Xunta:
Categoría do Ben: Catalogado (Catálogo da Xunta e dos PXOM) Ben de Interese Cultural
Elementos mobles:
Tradición oral:
Historia recente do ben:
Referencias bibliográficas:

REFERENCIAS WEB
http://www.concellodebueu.org/paxina.php?filMenu=MENU12_3&filId=17&idioma=ga
(Documento de aprobación inicial, PXOM Bueu. Ficha C-10 – Páxina 171)

https://cruceirosdegalicia.xyz/3600407.html

REFERENCIA BIBLIOGRÁFICA
VV.AA. (1999). Cruceiros, cruces e petos do Concello de Bueu. Revista O Candil, nº 20 (en liña: http://bueu.esy.es/Revistas/O%20Candil/20.pdf)

REFERENCIAS DE TIPO LEGAL
http://www.boe.es/diario_boe/txt.php?id=BOE-A-1963-6523
https://www.boe.es/buscar/act.php?id=BOE-A-1985-12534
https://www.xunta.gal/dog/Publicados/2016/20160516/AnuncioC3B0-110516-0001_gl.html


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 42.3191353609
Lonxitude: -8.78953054547
Empregamos o sistema de coordenadas WGS84