Outra fotografía:

Tipo de ben: Monumento megalítico (túmulo, dolmen, pedrafita...),
Concello: Carral / Culleredo
Parroquia: Tabeaio (San Martiño)
Lugar: Sobrepiñeiro-Donepedre
Outra denominación do ben: Pedrafita marco de Fonte Salgueiras, ou marco da Fonte das Meigas.
Cronoloxía: Idade Moderna (XVI-XVIII), Século XIX,
Descrición:

Situado preto da estrada que comunica Altamira con Folgueira, entre os concellos de Culleredo e Carral, ubícase a pedrafita-marco de Salgueiras, á que é preciso acceder por unha pista forestal. Tamén chamada marco da Fonte das Meigas, xa que como sinala Vilar Hermidas “xa que está situado preto desta fonte máxica pertencente á parroquia de Sueiro”.
O marco sobresae case 1,20 m. do chan, presenta unha inscrición no costado sur da letra “L”; o marco divide os Concellos de Cambre-Culleredo-Carral e as súas parroquias: Tabeaio (Carral), Sueiro e Castelo (Culleredo) e Ancéis (Cambre).
A existencia de tres medoñas próximas (medoña-necrópole de Arteaga e dúas máis), que cara á Folgueira seguen unha aliñación suroeste, poidan ter algunha relación, polo de agora descoñecida, se ben todas elas atópanse xunto a un camiño de comunicación e autores como Moncho Boga indican que son xalóns indicativos cara á necrópole de Arteaga.


Fotogrametría:

Propiedade: Descoñecida
Uso actual: Sen uso
Código no Catálogo da Xunta: non catalogado
Categoría do Ben: Non está inventariado
Elementos mobles:
Tradición oral:

Relacionada coas tres medoñas próximas, as lendas falan que nelas vivían os mouros en covas que partindo da necrópole de Arteaga, chegaría á Torre de Celas. Tamén se creía que estas mámoas eran simples trincheiras onde se escondían os mouros, ou ben os franceses durante a guerra.

Moi interesante publicación do investigador Lois Vilar Hermidas: https://www.facebook.com/story.php?story_fbid=198525346343186&id=100085571667389&rdid=QkCfgqmz6SZu0B5f


Historia recente do ben:
Referencias bibliográficas:

– VILAR HERMIDAS, Xosé Lois (2000): San Martiño de Tabeaio. Ed. Concellalía de Cultura, Concello de Carral, A Coruña.

– BOGA, Moncho (2012), recurso dixital blog: http://dolmensedemaisfamilia.blogspot.com.es/2012/05/marco-de-fonte-salgueiras-carral-cambre.html.


Afeccións

Ten camiño de acceso?: Si
Está cuberto de maleza: Si
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.2493407236
Lonxitude: -8.37200582027
Empregamos o sistema de coordenadas WGS84