Outra fotografía:

Tipo de ben: Cruceiro,
Concello: A Coruña (comarca) / Bergondo
Parroquia: Santa Marta de Babío (Santa Marta)
Lugar: Castro de Santa María de Babío
Outra denominación do ben:
Cronoloxía: Descoñecida,
Descrición:

Cruceiro de tipo “De Crucifixo” con plataforma cuadrangular de tres chanzos e pedestal cúbico rematado cun bocel e mediacana. Na cara do anverso do pedestal, ten unha placa de granito que pon: “RESTAURADO POR DONACIÓN DE UN FELIGRÉS. 1996” Ten unha mesa exenta. O varal comeza cadrado no seu primeiro terzo para rematar octogonal. Nunha das caras do varal pegado ó pedestal ten unha inscrición que pon: “ANO…”. Ten un capitel cuadrangular con astrágalo octogonal e ábaco de lados rectos. Está moldurado con ornamentación vexetal. A súa cruz é cuadrangular cun lixeiro chafrán nos seus brazos. No anverso da cruz presenta a Cristo Crucificado con tres cravos e as mans abertas. Inclina a cabeza cara á dereita cunha coroa de espiñas. O pano de pureza semella ir amarrado cunha corda. Polo reverso da cruz fica a Virxe en actitude de orar coas mans sobre o peito sostendo un rosario. O cruceiro é todo de granito cun bo estado de conservación. Dicir que este cruceiro atopábase roto ata que coa doazón dun fregués puido restaurarse. Restauración levada a cabo pola primeira muller canteiro de Galiza, Yolanda Cao Menéndez, unha artesá e artista que está ao fronte do obradoiro Canteros del Valle Cao.


Fotogrametría:

Propiedade: Pública
Uso actual: Outros
Código no Catálogo da Xunta:
Categoría do Ben: Non está inventariado
Elementos mobles:
Tradición oral:
Historia recente do ben:
Referencias bibliográficas:

BIBLIOGRAFÍA
– MARTÍN RUIZ, L.: “Cruceiros na provincia da Coruña”. Volumen I. Deputación Provincial da Coruña, 1999.

ENLACES WEB
http://artesaniadegalicia.xunta.es/artesanos/catalogos/canteros-del-valle-cao


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.3144727978
Lonxitude: -8.25306046757
Empregamos o sistema de coordenadas WGS84