Outra fotografía:

Tipo de ben: Cruceiro,
Concello: Cedeira / Ferrol (comarca)
Parroquia: Cedeira (Santa María do Mar)
Lugar: Corveiro
Outra denominación do ben: Cruceiro do Corveiro
Cronoloxía: Idade Moderna (XVI-XVIII),
Descrición:

Cruceiro con dúas partes moi diferenciadas, por un lado baseamento e pedestal, feitos en granito (1968), e por outro, o resto da obra, feita en toelo (1746).
Sobre un amplo baseamento de tres chanzos (o último con inscrición), aséntase un pedestal mixto: prismático e tronco piramidal de caras curvadas.
O varal, cunha inscrición na parte superior relativa a súa realización, é curto, recio e de sección oitavada con adornos de landras no seu inicio e remate.
O capitel pódese dividir en dúas partes estilisticamente semellantes, pero construtivamente moi diferenciadas, xa que mentres a inferior forma parte do varal, a superior, que tamén leva inscrición, fai un só corpo coa cruz. Ambas están formadas por unha variada serie de molduras curvas e rectas de diferente grosor.
Pegadas a unha cruz robusta e de sección cuadrangular van as figuras arcaizantes da Virxe da Soidade (esquemática, frontal, envolta nun amplo manto e coas mans cruzadas) e un Cristo morto e máis traballado, cun amplo e movido pano de pureza e baixo unha desenrolada cartela de INRI.


Fotogrametría:

Propiedade: Pública
Uso actual: Outros
Código no Catálogo da Xunta: RI.000003080
Categoría do Ben: Inventariado (Inventario de Bens Patrimoniais da Xunta Ben de Interese Cultural
Elementos mobles:
Tradición oral:
Historia recente do ben:

Orixinariamente estaba o carón da vella ponte medieval sobre o río Condomiñas, na entrada da vila. Posteriormente, levárono para o antigo cemiterio, ata que no 1968 foi trasladado ao seu actual emprazamento, presidindo, dende o alto do cantil, a entrada á ría de Cedeira, tal como se di no baseamento: LO MANDO CONSTRUIR EN EL AÑO DE 1746 / D. FRANCISCO DANIEL SOMOZA Y QUIROGA / PARROCO QUE FUE DE / CEDEIRA // SE RESTAURO POR INICIATIVA / DE LA JUVENTUD CEDEIRENSE / AÑO DE 1968.


Referencias bibliográficas:

BIBLIOGRAFÍA
BURGOA, J.J.: “Cruceiros y cruces de Ferrolterra”. Edicións Embora. 2001
BURGOA, J.J.: “Los cruceros de San Andrés de Teixido y sus caminos de peregrinación”. Cuaderno de Estudio Gallegos, Tomo L, Fascículo 116, Santiago 2003.


Afeccións

Ten camiño de acceso?: Si
Está cuberto de maleza: Non
Está afectado por algunha obra: Non
Estado de conservación: Bo
Atópase en perigo nestes momentos?:

Onde está localizado

Latitude: 43.6636850845
Lonxitude: -8.0699314177
Empregamos o sistema de coordenadas WGS84