
Outra fotografía:

Tipo de ben: Pazo / Casa Grande,
Concello: Terra de Soneira (comarca) / Vimianzo
Parroquia: Serramo (San Sebastián)
Lugar: Comareiro, O
Outra denominación do ben:
Cronoloxía: Idade Moderna (XVI-XVIII),
Descrición:
As Torres de Comareiro son un Pazo construído no século XVI. A día de hoxe non conserva o seu elemento máis característico: as súas torres. O abandono deixouno nunha completa ruína. Hoxe é un edificio de planta rectangular alongada reconstruído por cada propietario como lle deu a gana. Así, distínguense dúas partes ben diferenciadas polo tipo de materiais de construción: a primeira de sillares de granito de cantería e outra con mampostería de granito. A cuberta por un lado é tellado, pois ten tella, pero polo outro está cuberto de uralita.
Malia isto, aínda conserva elementos propios da arquitectura pacega: cornixas molduradas, unha fiestra en arco de medio punto e unha porta -no lado este- rematada en arco de medio punto de grandes doelas. Tamén conserva unha sinxela cheminea de cantería sen elementos decorativos.
Na recuperación do lugar atopouse o escudo de armas onde se representan lobos e unha árbore sobre unha ponte de tres arcos.
O fundador do vínculo de Comareiro (1580) foi Gonzalo de Pazos e Señoráns. Logo sucedeuno Gómez de Rioboo Vilardefrancos, capitán e meiriño dos condes de Altamira en Vimianzo. Os seus descendentes tiveron relación coa casa de Trasariz (Vimianzo) e co pazo de Xora (Treos-Vimianzo).
Fotogrametría:
Propiedade: Privada
Uso actual: Residencial
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Historia recente do ben:
Referencias bibliográficas:
LEMA SUÁREZ, X. Mª e VVAA (2010),Terra de Soneira, no corazón da Costa da Morte. Xerais, Vigo
Afeccións
Ten camiño de acceso?: SiEstá cuberto de maleza: Non
Está afectado por algunha obra: Si
Estado de conservación: Malo
Atópase en perigo nestes momentos?:
Onde está localizado
Latitude: 43.06247222299436Lonxitude: -8.984150290489197
Empregamos o sistema de coordenadas WGS84
1 comentario
elixiovieites says:
Nov 22, 2011
Como información complementaria, a páxina do pxom de Vimianzo que recolle este Ben.
http://www.planeamentourbanistico.xunta.es/siotuga/documentos/urbanismo/VIMIANZO/documents/0404CA003.pdf
(páxina 5 de 6). Un saúdo